વડોદરામાં ઈદના જુલુસમાં DJ પર મોટા અવાજે ‘સર તન સે જુદા’નાં ગીત વગાડવા બદલ ત્રણ ઈસમોની ધરપકડ કરવામાં આવી છે. જેમની ઓળખ હૈદરખાન પઠાણ, સરફરાઝ અન્સારી અને રાહુલ ધોબી તરીકે થઈ છે. જેમાંથી રાહુલ DJનો માલિક છે, જ્યારે બાકીના બે આયોજકો હતા. સોશિયલ મીડિયામાં વિડિયો વાયરલ થયા બાદ પોલીસે કાર્યવાહી કરી હતી.
આ મામલે વડોદરા સિટી પોલીસ મથકે ત્રણેય સામે ગુનો દાખલ કરવામાં આવ્યો હતો અને ત્યારબાદ ધરપકડ પણ કરી લેવાઈ હતી. FIRની નકલ ઑપઇન્ડિયા પાસે ઉપલબ્ધ છે.
वड़ोदरा में ईद-ए-मिलाद के जुलुस के दौरान .. सर तन से जुदा के नारे के साथ DJ बजाने के खिलाफ पुलिस ने कार्यवाही करते हुए तीन लोगों को गिरफ्तार किया है
— Nirnay Kapoor (@nirnaykapoor) October 1, 2023
आरोपियों के नाम हैं
1. हैदर खान पठान
2. सरफ़राज़ उर्फ़ छोटू उर्फ़ कालिया अंसारी
3. राहुल राधेश्याम धोबी
इसमें राहुल DJ BAND का… https://t.co/i6CJJeyzVB pic.twitter.com/0o8zoy6S2j
શુક્રવારે (29 સપ્ટેમ્બર, 2023) ઈદના દિવસે વડોદરાના ફતેપુરા વિસ્તારમાં જુલુસ કાઢવામાં આવ્યું હતું. જેમાં DJ પણ બોલાવાયું હતું. જાહેરમાંથી પસાર થતા આ જુલુસ દરમિયાન DJ પર મોટા અવાજે ‘ગુસ્તાખ-એ-નબી કી એક હી સજા, સર તન સે જુદા’ના નારા વગાડવામાં આવ્યા હોવાના વીડિયો વાયરલ થયા હતા.
હિંદુવાદી એક્ટિવિસ્ટ કાજલ હિન્દુસ્તાનીએ આ વીડિયો X (અગાઉનું ટ્વિટર) પર શૅર કરીને ગુજરાત પોલીસને કાર્યવાહી કરવા માટે વિનંતી કરી હતી. પોસ્ટ કરેલા વીડિયોમાં જુલુસમાં સામેલ DJ પર ‘સર તન સે જુદા’ અને ‘ભારત કા બચ્ચા બચ્ચા, મેરે ખ્વાજા કે ટુકડોં પર પલતા હૈ’ના ગીતો વાગતાં સાંભળવા મળે છે. ‘સર તન સે જુદા’ના નારા જ્યાં લાગ્યા હતા ત્યાં જ એક મંદિર પણ જોવા મળે છે.
वडोदरा ईद मिलन यात्रा- ट्वीट 2/2
— Kajal HINDUsthani (@kajal_jaihind) September 30, 2023
आदरणीय @GujaratPolice @dgpgujarat
video clip 1- ये वीडियो वडोदरा के फ़तेहपुरा का बताया जा रहा है, डीजे पर चला रहे है “ग़ुस्ताके नबी की एक ही सज़ा-सर तन से जुदा”
Video clip 2- इसमें गाना बज रहा है-“भारत का बच्चा बच्चा, मेरे ख़्वाजा के टुकड़ों पर… https://t.co/EEFvSM0hIt pic.twitter.com/x7uZLI4V7A
વીડિયો વાયરલ થયા બાદ વડોદરા પોલીસે પણ સંજ્ઞાન લીધું હતું અને આ મામલે FIR દાખલ કરી હતી. ફરિયાદી સ્વયં પોલીસ અધિકારી બન્યા છે. જેમણે ફરિયાદમાં જણાવ્યું કે, 29 સપ્ટેમ્બર, 2023ના રોજ ઈદ-એ-મિલાદના દિવસે હૈદરખાન પઠાણ અને અન્યોએ જુલુસનું આયોજન કર્યું હતું, જે કબ્રસ્તાનથી નીકળીને ભાંડવાડા, મંગલેશ્વર ઝાપા, ફતેપુરા ચાર રસ્તા, અલિફનગર, ભૂતડીઝાંપા, કારેલીબાગ પોલીસ સ્ટેશન, નાગરવાડા, સૈયદવાડા, એમએએસ સ્કૂલ ચારરસ્તા, નવાબવાડાની અંદર રાવપુરા મેઈન રોડ અને ત્યાંથી MES સ્કૂલ પાસે આવીને પૂર્ણ થવાનું હતું. આ જુલુસમાં ડીજે વગાડવા માટે વારસિયા પોલીસ મથકેથી પરવાનગી લેવામાં આવી હતી અને આયોજક હૈદરખાને રાહુલ ધોબી નામના વ્યક્તિને તેનો ઓર્ડર આપ્યો હતો.
ફરિયાદ અનુસાર, નિયત સમયે ઈદનું જુલુસ નીકળ્યા બાદ તે ફતેપુરા ચાર રસ્તાથી અલીફનગર ત્રણ રસ્તા તરફ જતું હતું ત્યારે જાહેરમાં ડીજે પર વાંધાજનક ગીતો વગાડવામાં આવ્યાં હતાં. જોકે, જુલુસમાં પોલીસ બંદોબસ્ત પણ હતો પરંતુ પોલીસકર્મીઓને ત્યારે આસપાસના શોરબકોરના કારણે અવાજ આવ્યો ન હતો. ત્યારબાદ વીડિયો વાયરલ થયા બાદ પોલીસે કાર્યવાહી શરૂ કરી હતી.
પોલીસે ત્રણેય સામે IPCની કલમ 188, 144 તેમજ ગુજરાત પોલીસ એક્ટની કલમ 131 અને 135 હેઠળ ગુનો દાખલ કરીને ધરપકડ કરી લીધી હતી.
