પીએમ નરેન્દ્ર મોદીએ તાજેતરમાં લક્ષદ્વીપની યાત્રા કરી હતી, જ્યાંની અમુક તસવીરો તેમણે સોશિયલ મીડિયા પર શૅર કર્યા બાદ ભારતીય દ્વીપસમૂહની સરખામણી માલદીવ સાથે થવા માંડી હતી. આ ચર્ચાઓની વચ્ચે માલદીવનાં અમુક સોશિયલ મીડિયા અકાઉન્ટ્સ પરથી PM મોદી, ભારત અને ભારતીયોને ટાર્ગેટ કરવામાં આવ્યા હતા. આ ટોળકીમાં પછીથી ત્યાંના નેતાઓ અને મંત્રીઓ પણ સામેલ થઈ ગયા. જેને લઈને હવે માલદીવમાં જ તેમનો વિરોધ થઈ રહ્યો છે. બીજી તરફ, ત્યાંની સરકારે એક અધિકારિક નિવેદન બહાર પાડવું પડ્યું છે.
માલદીવ સરકારે એક નિવેદનમાં જણાવ્યું કે, “સોશિયલ મીડિયા પર વિદેશી નેતાઓ અને ઉચ્ચ કક્ષાના વ્યક્તિઓ વિરુદ્ધ કરવામાં આવી રહેલી અપમાનજનક ટિપ્પણીઓ વિશે માલદીવની સરકાર વાકેફ છે. આ અભિપ્રાયો વ્યક્તિગત છે અને માલદીવની સરકારના વિચારો પ્રતિબિંબિત કરતા નથી.”
Government of Maldives issues statement – "The Government of Maldives is aware of derogatory remarks on social media platforms against foreign leaders and high-ranking individuals. These opinions are personal and do not represent the views of the Government of… pic.twitter.com/RQfKDb2wYF
— ANI (@ANI) January 7, 2024
નિવેદનમાં આગળ કહ્યું, “(માલદીવ) સરકાર માને છે કે અભિવ્યક્તિની સ્વતંત્રતાનો ઉપયોગ લોકતાંત્રિક ઢબે અને જવાબદારીપૂર્વક થવો જોઈએ, નફરત અને નકારાત્મકતા ફેલાય કે અન્ય દેશો સાથે માલદીવના સંબંધોને અસર પહોંચે તે રીતે નહીં. આ પ્રકારની અપમાનજનક ટિપ્પણીઓ કરનારા વિરુદ્ધ કાર્યવાહી કરવામાં આવશે.”
ઉલ્લેખનીય છે કે માલદીવ સરકારની એક મહિલા મંત્રીએ વડાપ્રધાન વિશે અત્યંત અપમાનજનક ટિપ્પણી કરીને તેમને ‘ક્લાઉન’ અને ‘ઇઝરાયેલની કઠપૂતળી’ ગણાવ્યા હતા. નોંધવું જોઈએ કે વડાપ્રધાન મોદીએ ક્યારેય પોતાની કોઇ પોસ્ટમાં માલદીવનો ઉલ્લેખ પણ કર્યો ન હતો. આ ટિપ્પણીનો ભારતમાં તો વિરોધ થયો જ, પરંતુ માલદીવમાં પણ હવે વિરોધ થવા માંડ્યો છે. પૂર્વ રાષ્ટ્રપતિ મોહમ્મદ નશીદે એક પોસ્ટ કરીને આ ટિપ્પણીઓની ટીકા કરી તો બીજી તરફ માલદીવની રાજકીય પાર્ટીઓ પણ હવે ત્યાંની સરકાર સામે પડી છે.
મોહમ્મદ નશીદે લખ્યું કે, “માલદીવ સરકારનાં મંત્રીએ દેશના એક અગત્યના ભાગીદાર, જે સુરક્ષા અને સમૃદ્ધિ માટે અત્યંત મહત્વપૂર્ણ છે, તેના નેતા વિરુદ્ધ અત્યંત અભદ્ર ટિપ્પણી કરી છે. મુઈઝુ (માલદીવના રાષ્ટ્રપતિ) સરકારે આ ટિપ્પણીઓથી પોતાને અલગ કરીને ભારતને સ્પષ્ટ આશ્વાસન આપવું જોઈએ કે તેમની સરકારની નીતિઓ આ વિચારોનું બિલકુલ સમર્થન કરતી નથી.”
What appalling language by Maldives Government official @shiuna_m towards the leader of a key ally, that is instrumental for Maldives’ security and prosperity. @MMuizzu gov must distance itself from these comments and give clear assurance to India they do not reflect gov policy.
— Mohamed Nasheed (@MohamedNasheed) January 7, 2024
નોંધવું જોઈએ કે મોહમ્મદ નશીદ ભારત પ્રત્યે ઝુકાવ રાખનારા નેતા તરીકે ઓળખાય છે. તેઓ માલદીવના પૂર્વ રાષ્ટ્રપતિ છે.
બીજી તરફ, માલદીવ નેશનલ પાર્ટીએ પણ મંત્રીની PM મોદી વિશેની ટિપ્પણીઓની ટીકા કરી છે. પાર્ટીએ પોતાના અધિકારિક અકાઉન્ટ પરથી X પર પોસ્ટ કરીને કહ્યું કે, “માલદીવ સરકારનાં પ્રતિનિધિ દ્વારા એક વિદેશી રાષ્ટ્રાધ્યક્ષ વિરુદ્ધ કરવામાં આવેલી અભદ્ર ટિપ્પણીને પાર્ટી વખોડી કાઢે છે. આ અસ્વીકાર્ય છે. જેઓ પણ જવાબદાર છે તેમની વિરુદ્ધ કડક કાર્યવાહી કરવામાં આવે તેવી અમે માલદીવ સરકારને વિનંતી કરીએ છીએ.”
Maldives National Party condemns racist and derogatory comments made by a government official against a foreign head of State. This is unacceptable. We urge the government to take necessary action against those involved.
— Maldives National Party (@MNP_Secretariat) January 7, 2024
