મધ્ય પ્રદેશના દમોહ ખાતે જે રીતે હિંદુ વિદ્યાર્થિનીઓને હિજાબ પહેરાવવાનો, પ્રાર્થના શીખવવાનો અને ધર્મ પરિવર્તનનો મામલો શાળામાં સામે આવ્યો છે, ત્યાર બાદ સતત નવા નવા ખુલાસા થઈ રહ્યા છે. હવે સ્કૂલમાં ભણતા વિદ્યાર્થીઓએ પણ સ્કૂલ મેનેજમેન્ટ પર અનેક આરોપો લગાવ્યા છે. તે જ સમયે ભાજપના નેતાઓએ જિલ્લા શિક્ષણ અધિકારી એસ કે મિશ્રા પર શાહી ફેંકીને પોતાનો વિરોધ વ્યક્ત કર્યો છે, કારણ કે જ્યારે મામલો શરૂ થયો ત્યારે જિલ્લા શિક્ષણ અધિકારીએ ગંગા જમના સ્કૂલને ક્લીનચીટ આપી દીધી હતી અને ત્યારથી હિન્દુ સંગઠનો તેમનો વિરોધ કરી રહ્યા હતા.
મંગળવારે બપોરે જ્યારે જિલ્લા શિક્ષણ અધિકારી પોતાના વાહનમાં બેસીને ઓફિસથી નીકળી રહ્યા હતા ત્યારે ભાજપના જિલ્લા ઉપાધ્યક્ષ અમિત બજાજ અને ભાજપના નેતા મોન્ટી રેકવારે જિલ્લા શિક્ષણ અધિકારી પર શાહી ફેંકી હતી.
हिजाब प्रकरण: शिक्षा अधिकारी पर भाजपा नेताओं ने फेंकी स्याही, हिंदू संगठन कर रहे थे विरोध, इस बात पर थे नाराजhttps://t.co/rTHvNJGX9v pic.twitter.com/s9C6lvYKfx
— Amar Ujala (@AmarUjalaNews) June 6, 2023
ભાજપના જિલ્લા ઉપાધ્યક્ષ અમિત બજાજે કહ્યું કે જિલ્લા શિક્ષણ અધિકારીએ ગંગા જમના સ્કૂલમાંથી પૈસા લઈને મામલો થાળે પાડ્યો હતો. તે સમગ્ર હિંદુ સમાજનું અપમાન હતું તેથી તેનું મોઢું કાળું કરવામાં આવ્યું છે. મોન્ટી રેકવારે કહ્યું કે “જિલ્લા શિક્ષણ અધિકારીએ મામલો દબાવવાનો પ્રયાસ કર્યો, જ્યારે ગંગા જમના સ્કૂલમાં કઈ પ્રવૃત્તિઓ ચાલી રહી છે તે બધાને ખબર હતી. આનાથી હિંદુ સમાજને ખૂબ જ દુઃખ થયું હતું અને મેં અગાઉ જ કહ્યું હતું કે જિલ્લા શિક્ષણ અધિકારી નું મોઢું કાળું કરવામાં આવશે, તેથી આજે મેં તેમનું મોઢું કાળું કરીને મારો વિરોધ વ્યક્ત કર્યો છે.” તે પછી બધાએ જય શ્રી રામના નારા લગાવવાનું શરૂ કર્યું.
બીજી તરફ આ મામલામાં જિલ્લા શિક્ષણ અધિકારી એસકે મિશ્રાનું કહેવું છે કે જે લોકોએ મારા પર શાહી ફેંકી હતી તેઓ કોઈ ગંગા સ્કૂલની વાત કરી રહ્યા હતા, જેની હું તપાસ પણ નથી કરી રહ્યો.
વિદ્યાર્થીઓએ કહ્યું કે નમાઝ બળપૂર્વક પઢવામાં આવતી હતી
ગંગા જમના સ્કૂલમાં ભણતા વિદ્યાર્થીઓનું કહેવું છે કે તેમને નમાઝ પઢવા માટે મજબૂર કરવામાં આવ્યા હતા અને તેમ ન કરવા બદલ શિક્ષકો તેમને ઠપકો આપતા હતા. એક વિદ્યાર્થીનીએ જણાવ્યું કે સ્કૂલની અંદર જબરદસ્તીથી નમાજ પઢાવવામાં આવટી હતી અને હિજાબ પહેરાવવામાં આવતો હતો. હિજાબ પહેરીને ન જતી વિદ્યાર્થિનીઓને ઠપકો અને માર મારવામાં આવતો હતો.
આ ઉપરાંત અનેક પ્રકારની ‘દુઆ’ પઢવામાં આવી હતી. જ્યારે કોઈ વ્યક્તિ મૃત્યુ પામે છે, ત્યારે શાળામાં નમાજ કરવામાં આવી હતી અને વિદ્યાર્થીઓને પણ નમાજ પઢવાની ફરજ પાડવામાં આવતી હતી. નમાઝ ન વાંચનારને માર મારવામાં આવતો હતો. જ્યારે કોઈ મૃત્યુ પામે છે, ત્યારે કહેવામાં આવતું હતું કે આ વ્યક્તિ જન્નતમાં જઈ રહ્યો છે.
કલાવા બાંધવા બદલ શાળામાં ઠપકો આપવામાં આવતો હતો
તેવી જ રીતે એક વિદ્યાર્થીએ જણાવ્યું કે કલાવા બાંધવા બદલ શાળામાં વિદ્યાર્થીઓને ફટકારવામાં આવતા હતા. જો કોઈ વિદ્યાર્થી હાથમાં કલવો બાંધીને શાળાએ જતો તો તેને હાંકી કાઢવામાં આવતો અને જો કોઈ વિદ્યાર્થી તિલક લગાવતો તો તેને શાળાના સાહેબો દ્વારા ઠપકો પણ આપવામાં આવતો. તેવી જ રીતે અન્ય વિદ્યાર્થીઓએ હવે ખુલ્લેઆમ સ્કૂલ મેનેજમેન્ટ પર આરોપ લગાવ્યો છે. એક પછી એક નવા ખુલાસા બાદ હવે દમોહની ગંગા જમના સ્કૂલમાં જે રીતે આ ગતિવિધિઓ ચાલતી હતી તે સામે આવી રહ્યું છે.
શિક્ષિકાઓનું ધર્મપરિવર્તન કરાવ્યું હોવાનું સામે આવ્યું
શાળામાં પહોંચેલી તપાસ ટીમને ઈસ્લામિક ધર્માંતરણના પુરાવા પણ મળ્યા છે. રાજ્ય બાળ આયોગે તપાસ દરમિયાન માહિતી આપી છે કે શાળાના મુખ્ય શિક્ષક સહિત 3 મહિલા શિક્ષકોએ ઈસ્લામ અંગીકાર કર્યો છે.
પ્રિન્સિપાલનું નામ અફસારા બેગમ છે, જ્યારે તેના પિતાની અટક શ્રીવાસ્તવ છે. તેવી જ રીતે તબસ્સુમ નામની શિક્ષિકાને ખબર પડી કે તે પહેલા જૈન હતી. એ જ રીતે યાદવ અટક ધરાવતી મહિલા શિક્ષિકા પણ હવે પોતાના નામમાં ‘ખાન’ વાપરે છે.
