ઇંગ્લેન્ડના સ્ટોક-ઓન-ટ્રેન્ટમાં એક ડૉક્ટર મુસ્લિમ મહિલાને તેનો બુરખો હટાવવાનું કહીને તેની સાથે દુર્વ્યવહાર કરવા બદલ દોષી સાબિત થયો છે. એક પેનલે ડૉક્ટરને ગેરવર્તણૂક માટે દોષિત ઠેરવ્યા છે, જેના કારણે ડો. કીથ વોલ્વરસન તેની નોકરી ગુમાવી શકે છે. આ ઘટના 2018 માં રોયલ સ્ટોક યુનિવર્સિટી હોસ્પિટલમાં દરમિયાન બની હતી.
આ કિસ્સામાં ડૉક્ટરે પોતાની સફાઈ આપતા કહ્યું હતું કે, “મેં આવું કહ્યું કારણ કે તે અંગ્રેજી સમજી શકતી ન હતી. મારી વાતને યોગ્ય રીતે સમજાવવા અને તેમની વાત સમજવા માટે મેં તેને બુરખો ઉતારવા કહ્યું હતું. જેથી હું તેના ચહેરાના હાવભાવ સમજી શકું.”
55 વર્ષીય ડૉક્ટરે દાવો કર્યો હતો કે તેણે શ્રીમતી ક્યુ તરીકે ઓળખાતી મહિલાને તેનો બુરખો ઉતારવા કહ્યું હતું જેથી તેઓ તેના હોઠ વાંચીને સમજી શકે કે તે મહિલા શું કહેવા માંગે છે, પરંતુ તેને બુરખો કાઢી નાખવાનું કહેવા છતાં તે બુરખો હટાવવા ઇચ્છતી નહોતી.
Folks, @maajidNawaz is absolutely right!A doctor shouldn’t lose his job becoz he asked his Patient to remove her face covering becoz he couldn’t hear her!U can wear whatever U want(Full face burqa) EXCEPT ID is req! Thankfully not an issue in 🇺🇸 #cnn #msnbc #foxnews #ThePledge pic.twitter.com/re8SppfFXY
— #SecularRadical (@LethimTakeFifth) May 24, 2019
ડેઇલી મેઇલ મુજબ, ડો. કીથ વોલ્વરસન 25 વર્ષથી વધુ સમયથી જનરલ ફિજીસીયન તરીકે કામ કરે છે. આ પહેલા તેમનો રેકોર્ડ નિષ્કલંક હતો, પરંતુ તે પછી તેમને 28 ગેરવર્તણૂકના આરોપોનો સામનો કરવો પડ્યો, જેમાં શ્રીમતી ક્યુ સાથે તેમની નિમણૂક સંબંધિત 16 આરોપોનો સમાવેશ થાય છે.
કીથ વોલ્વરસનને તેના વર્તન માટે મેડિકલ ટ્રિબ્યુનલ દ્વારા સખત ઠપકો આપવામાં આવ્યો હતો. ટ્રિબ્યુનલે કહ્યું કે જ્યારે મહિલા તેનો બુરખો હટાવવા માંગતી ન હતી ત્યારે તેમને આવું કરવાની કોઈ જરૂર નહોતી.
મેડિકલ પ્રેક્ટિશનર્સ ટ્રિબ્યુનલ સર્વિસ (MTPS) પેનલે પૂછ્યું કે એવા કયા ગંભીર સંજોગો હતા કે જેણે મુસ્લિમ મહિલાને બુરખો હટાવવાની પ્રેરણા આપી. પેનલે એ પણ નોંધ્યું છે કે ડો. વોલ્વરસન પણ દર્દીઓ સાથે દુર્વ્યવહાર માટે દોષિત ઠર્યા છે. તેમણે કહ્યું કે જો તેઓ અંગ્રેજી ન જાણતા હોય તો તેઓ તેમને નિરાશ કરે છે.
પેનલે ચુકાદો આપ્યો છે કે ડોક્ટરે મુસ્લિમ મહિલા સાથે ગેરવર્તણૂક કરી હતી જેથી તે ગેરવર્તણૂક માટે દોષિત છે. આ વર્ષના અંતમાં નક્કી કરવામાં આવશે કે તેને સસ્પેન્ડ કરવામાં આવશે કે હાલના મેડિકલ રજિસ્ટરમાંથી તેને કાઢી નાખવાની સજા કરવામાં આવશે.
