મંગળવારે (7 નવેમ્બર) સોશિયલ મીડિયા પર એક પોસ્ટર વાયરલ થયું હતું, જેમાં દિવાળીને ‘જશ્ન-એ-રોશની’ નામ આપવામાં આવ્યું હતું. પોસ્ટર પર સરકારી સંસ્થા FSSAI (ફૂડ એન્ડ સિક્યુરિટી સ્ટાન્ડર્ડ્સ ઓથોરિટી ઑફ ઇન્ડિયા)નું નામ લખવામાં આવ્યું હતું. સોશિયલ મીડિયા પર દાવો કરવામાં આવ્યો કે, સંસ્થા દિવાળી અગાઉ આ નામથી એક કાર્યક્રમ કરી રહી છે.
જે પોસ્ટર વાયરલ થયું છે તેમાં ઉપર FSSAIનો લોગો અને ભારત સરકારના સ્વાસ્થ્ય અને પરિવાર કલ્યાણ મંત્રાલયનું નામ જોવા મળે છે. નીચે મોટા અક્ષરોમાં ‘જશ્ન-એ-રોશની’ લખવામાં આવ્યું છે. સમય સવારે 10 વાગ્યાનો અને સ્થળ FSSAI મુખ્યમથક દિલ્હી હોવાનું જણાવવામાં આવ્યું છે. અન્ય કોઇ વિગતો આપવામાં આવી નથી.
પોસ્ટર ફરતું થતાં જ સોશિયલ મીડિયા પર લોકોએ આક્રોશ વ્યક્ત કર્યો હતો અને ઘણાને તે પસંદ ન આવ્યું. યુઝરોએ સરકારને પણ ઘેરી અને હિંદુ તહેવારોનાં નામોના થઈ રહેલા ઇસ્લામીકરણ સામે વાંધો ઉઠાવ્યો. આ પ્રકારની ઘણી પોસ્ટ સોશિયલ મીડિયા પર જોવા મળી.
Hi @fssaiindia @MoHFW_INDIA got a problem with calling Deepawali Deepawali? What’s with the Jashn-E-Bakwaas bullshIt? Deepawali is a HINDU festival. pic.twitter.com/VGWZbH7rxt
— Shefali Vaidya. 🇮🇳 (@ShefVaidya) November 7, 2023
एक कदम #गझवा_ए_हिंद की और. @fssaiindia @FSSAI_Official
— 🕉 धर्मो रक्षति रक्षितः🇮🇳 (@RashtraPranam) November 7, 2023
धन्यवाद मायबाप सरकार @AmitShah जी। धन्यवाद @HMOIndia , धन्यवाद @PMOIndia धन्यवाद @narendramodi जी। @mansukhmandviya जी
एक कदम शरीयत ए हिंदुस्तान की और। इसी के लिए हमने चुन के दिया है क्या? 😡😡
जश्न ए रोशनी की दिली मुबारका। pic.twitter.com/0yxXbGlDck
જોકે, વિવાદ વધ્યા બાદ સંસ્થાએ જાતે જ આ મુદ્દે સ્પષ્ટતા કરી હતી. X પર કરવામાં આવેલી એક પોસ્ટમાં FSSAI દ્વારા કહેવામાં આવ્યું કે, “સંસ્થા ‘જશ્ન-એ-રોશની’ નામનો કોઈ કાર્યક્રમ આયોજિત કરી રહી નથી, જેવો સોશિયલ મીડિયા પર દાવો કરવામાં આવી રહ્યો છે. સોશિયલ મિડિયા પર જે ફોટો શૅર કરવામાં આવી રહ્યો છે તે ન તો FSSAI દ્વારા ઇસ્યુ કરવામાં આવ્યો છે કે ન તેની પરવાનગી અપાઈ છે.
The @fssaiindia is not organising any event purportedly named 'Jashn-e-Roshni', as is being circulated in social media. The image being shared on social media has not been issued or approved by FSSAI.@MoHFW_INDIA
— FSSAI (@fssaiindia) November 7, 2023
જોકે, એ પણ નોંધવું જોઈએ કે FSSAIએ ગયા વર્ષે આ જ નામથી એક કાર્યક્રમ કર્યો હતો. 2022ની દિવાળી વખતે ‘જશ્ન-એ-રોશની’ નામથી કાર્યક્રમ યોજવામાં આવ્યો હતો અને તેમના કર્મચારીઓ માટે અમુક સ્પર્ધાઓનું પણ આયોજન કર્યું હતું. અમુક સોશિયલ મીડિયા યુઝરોએ આ બાબત પર પણ ધ્યાન દોર્યું. ‘ધ સ્કેન ડૉક્ટરે’ સંસ્થાની જ વેબસાઈટ પરથી એક PDFનો સ્ક્રીનશોટ લઈને પોસ્ટ કર્યો અને કહ્યું કે, તેમણે ગત વર્ષે પણ આ પ્રકારનો કાર્યક્રમ આયોજિત કર્યો હતો.
That's a lie. You guys organised it last year too. Here is the pdf link and its screenshot of the event details from your own website. See point VII (Miscellaneous activities) in the last.https://t.co/bmCBUYwwoG pic.twitter.com/ZGALsiOpkv
— THE SKIN DOCTOR (@theskindoctor13) November 7, 2023
ઘણા લોકોએ પૂછ્યું કે ગયા વર્ષે કાર્યક્રમ યોજાયો હતો પણ આ વર્ષે શું સોશિયલ મીડિયા પર વિરોધ થવાના કારણે માંડવાળ કરવામાં આવી?
FSSAI celebrated 'Jashn-e-Roshni' on 19-20 Oct 2022 too. Are they not organizing it this year because of social media outrage?
— Arjun* (@mxtaverse) November 7, 2023
Source: https://t.co/XCoalP4Z2r https://t.co/2ig1fD3Z3U pic.twitter.com/OmEJfmKIDR
ઉલ્લેખનીય છે કે FSSAI દેશમાં ખાદ્યપદાર્થોના માનકો નક્કી કરતી અને તપાસ કરતી સંસ્થા છે, જે કેન્દ્ર સરકારના સ્વાસ્થ્ય અને પરિવાર કલ્યાણ વિભાગ હેઠળ આવે છે. વર્ષ 2006માં તેની રચના કરવામાં આવી હતી.
