7 જૂન, 2023 (બુધવારે) સોશિયલ મીડિયા અને ખાસ કરીને ટ્વિટર પર કેટલીક તસ્વીરો વાયરલ થઇ હતી. હાલ આંદોલનના કારણે ચર્ચામાં આવેલ પહેલવાન સાક્ષી મલિક અને આમ આદમી પાર્ટી સંજય સિંહ પણ આ તસ્વીરો શૅર કરનારાઓમાં સામેલ હતા. ફોટોમાં એક વ્યક્તિ જોવા મળે છે, જેના શરીર પર ઘા પડ્યા છે. બીજા એક વ્યક્તિના માથામાંથી લોહી નીકળતું દેખાય છે. સાક્ષી મલિકે ટ્વિટ કરીને દાવો કર્યો કે આ ખેડૂતો છે અને તેઓ પાક પર MSPની માંગ સાથે આંદોલન કરી રહ્યા હતા ત્યારે પોલીસે તેમની ઉપર લાઠીઓ વરસાવી હતી.
સાક્ષી મલિકે ટ્વિટમાં લખ્યું કે, ખેડૂતોએ માત્ર પોતાના પાક પર MSPની માંગ કરી હતી પરંતુ ‘ક્રૂર તંત્રે’ તેમને લાઠીઓ આપી અને ધરપકડ કરી લીધી. સાથે તેમણે એમ પણ લખ્યું કે, આંદોલનમાં શહીદ થયેલા ખેડૂતોની ખબરે તેમની આંખ ભીની કરી દીધી છે.
किसानों ने सिर्फ़ अपनी फसलों की एमएसपी माँगी थी. लेकिन क्रूर तंत्र ने उन्हें लाठियाँ और गिरफ़्तारियाँ दीं.
— Sakshee Malikkh (@SakshiMalik) June 7, 2023
किसान नेता गुरनाम सिंह चढूनी की गिरफ़्तारी की हम निंदा करते हैं, उनकी जल्द रिहाई हो.
आंदोलन में शहीद हुए किसान की खबर ने आँखें नम कर दी हैं pic.twitter.com/wf8wuec1tr
આમ આદમી પાર્ટી સાંસદ સંજય સિંહે પણ બે તસ્વીરો શૅર કરી. સાથે લખ્યું કે, ‘આ ભારતના અન્નદાતા છે. તેમનો ગુનો એ જ છે કે તેઓ અનાજ પર યોગ્ય કિંમત મળે તેવું ઈચ્છે છે. ખટ્ટર સરકારે (હરિયાણા સરકાર) કહ્યું, અનાજની કિંમત માંગશો તો જીવ લઇ લઈશું.’
ये भारत के अन्नदाता हैं।
— Sanjay Singh AAP (@SanjayAzadSln) June 7, 2023
इनका गुनाह ये है की ये अपने अनाज का सही दाम चाहते है।
खट्टर सरकार ने कहा “अनाज का दाम माँगोगे तो जान ले लेंगे” pic.twitter.com/fsOIOqQqYj
રેડિયો મિર્ચીમાં કામ કરતી સાયમાએ સાક્ષી મલિકનું ટ્વિટ એમ્બેડ કરીને આ બાબતને અત્યંત શરમજનક ગણાવી.
Such a shame! https://t.co/k131OsVJJ2
— Sayema (@_sayema) June 7, 2023
પછીથી ઘણાએ આ ફોટા શૅર કર્યા અને દાવા કર્યા કે MSPની માંગ સાથે આંદોલન કરતા ખેડૂતો પર પોલીસના લાઠીચાર્જ દરમિયાન આ વ્યક્તિને ઇજા પહોંચી હતી. પણ આ દાવાથી વિપરીત સત્ય કંઈક અલગ જ છે અને આ સમાચાર સદંતર ખોટા છે.
સાક્ષી મલિક અને સંજય સિંહના ટ્વિટમાં જે શીખ વ્યક્તિ જોવા મળે છે એ તસ્વીર આજની નહીં પણ ચાર વર્ષ જૂની છે. @SikhSangarsh નામના ટ્વિટર હેન્ડલે આ જ તસ્વીરો 17 જૂન, 2019ના દિવસે પોસ્ટ કરી હતી. હકીકતે આ વ્યક્તિ વ્યવસાયે ડ્રાઈવર છે અને 2019માં તેની દિલ્હી પોલીસના એક કર્મચારીઓ સાથે ઝપાઝપી થઇ ગઈ હતી, જેમાં આ ઇજા પહોંચી હતી. રિપોર્ટ્સ અનુસાર, આ વ્યક્તિ હાથમાં તલવાર લઈને પોલીસકર્મીઓ તરફ ધસી ગયો હતો અને ત્યારબાદ પોલીસ કર્મચારીઓએ જવાબી કાર્યવાહી કરીને તેને માર માર્યો હતો. જોકે, ઘટના બાદ જવાબદાર પોલીસકર્મીઓને સસ્પેન્ડ કરી દેવામાં આવ્યા હતા.
A Sikh auto driver and his son were brutally beaten outside Mukherjee Nagar police station in one of the most brutal beatings. pic.twitter.com/nljy6FVsyf
— Sikh Sangarsh #FreeJaggiNow (@SikhSangarsh) June 16, 2019
રસપ્રદ વાત એ છે કે સરબજીતસિંઘની મુલાકાત હાલ ફેક ન્યૂઝ ફેલાવનાર AAP સાંસદ સંજયસિંહ પણ કરી ચૂક્યા હતા. 17 જૂન, 2019ના તેમના એક ટ્વિટમાં તેમણે સરબજીતસિંઘ સાથેની તસ્વીર પોસ્ટ કરીને દિલ્હી પોલીસના કર્મચારીઓ પર કાર્યવાહીની માંગ કરી હતી.
ये है इंसानियत इतनी ज़्यादती झेलने बावजूद बहादुर सरबजीत सिंह जी से मिलने जब उनके घर गया तो उन्होंने कहा मेरे साथ जुर्म हुआ है लेकिन मेरा किसी से बैर नही @DelhiPolice को तनिक भी अपराध बोध हो तो दोषी पुलिस कर्मियों पर सख़्त कार्यवाही करे। pic.twitter.com/kj03zl235W
— Sanjay Singh AAP (@SanjayAzadSln) June 16, 2019
હવે બીજી તસ્વીરમાં કોણ શખ્સ છે એ જાણીએ. સાક્ષી અને સંજય સિંહના ટ્વિટમાં અન્ય એક લોહીલુહાણ શખ્સ જોવા મળે છે. આ ફોટો પણ અત્યારનો નથી. પત્રકાર મનદીપ પૂનિયાએ ઓગસ્ટ, 2021માં એક ફોટો શૅર કર્યો હતો, જે આ જ વ્યક્તિનો આ જ ફોટો છે.
#groundreport सिर्फ फ़ोटो गलत शेयर हुई है, लेकिन बाकी जानकारियां सारी सही हैं. यह रविंदर हैं जिनके सर में 7 सेंटीमीटर लंबे घाव को टांको से सिला गया है. 3 किसानों का सर पुलिस ने फोड़ा है. https://t.co/u2lCjhTyyy pic.twitter.com/aE971mXKea
— Mandeep Punia (@mandeeppunia1) August 29, 2021
જેથી, સાક્ષી મલિક, સંજય સિંહ, સાયમા અને અન્યોએ વર્ષો જૂના ફોટા શૅર કરીને ફેક ન્યૂઝ ફેલાવ્યા હતા. જ્યાં સુધી વાત આંદોલનમાં ખેડૂતોના ‘શહીદ’ થવાની છે તો આ પ્રકારના કોઈ અહેવાલ મળ્યા નથી જેમાં જણાવવામાં આવ્યું હોય કે હરિયાણામાં પ્રદર્શન કરતા ખેડૂતોમાંથી કોઈનું મૃત્યુ થયું હોય.
