મંત્રીજીની પત્નીને ગૂગલ પર સર્ચ કરી રહ્યું છે પબ્લિક, કહ્યું- હું પણ તેની જ શોધમાં છું: જાણો કોણ છે ‘નાની આંખો’થી ચર્ચામાં આવેલા તેમજેન અલોંગ

ઉત્તર-પૂર્વના લોકોની નાની આંખ બાબતે મજાક ઉડાવનારા લોકો પર કટાક્ષ કરીને ચર્ચામાં આવેલા નાગાલેન્ડના તેમજેન અલોંગ (Temjen Along) સોશિયલ મીડિયા પર ખૂબ સર્ચ કરવામાં આવી રહ્યા છે. લોકો તેમના વિશે વધુ જાણવા માંગે છે. સોશિયલ મીડિયા પર તેમના જૂના ભાષણો શૅર કરીને તેમના હિન્દીની પ્રશંસા કરવામાં આવી રહી છે.

લોકો ઇન્ટરનેટ પર સર્ચ કરીને તેમને વાંચવા અને સાંભળવા માંગે છે. એટલું જ નહીં લોકો તેમની પત્ની વિશે જાણવા પર ઉત્સુક છે. જેને જોઈને અલોંગે કહ્યું કે જેવી રીતે લોકો તેમની પત્નીને શોધી રહ્યા છે તે જ રીતે તેઓ પણ પત્નીની શોધમાં છે. 

કોણ છે તેમજેન ઈમના અલોંગ?

41 વર્ષીય તેમજેન અલોંગ નાગાલેન્ડ (Nagaland) સરકારમાં ઉચ્ચ અને ટેકનિકલ શિક્ષણ અને આદિજાતિ બાબતોના મંત્રી છે. આ સાથે તેમની પાસે ભારતીય જનતા પાર્ટીના પ્રદેશ અધ્યક્ષ તરીકેની જવાબદારી પણ છે. વર્ષ 2018 માં તેઓ નાગાલેન્ડ વિધાનસભા ચૂંટણીમાં અલંગટાકી મતવિસ્તારમાંથી ચૂંટાયા બાદ ધારાસભ્ય બન્યા હતા.

તેમનો ઉછેર નાગાલેન્ડમાં થયો હતો. રાજ્યની શિક્ષણની સ્થિતિ સુધારવા માટે તેઓ સતત શાળાઓ અને કોલેજોની મુલાકાત લેતા રહે છે. તેમના ભાષણો અગાઉ પણ ઘણી વખત ચર્ચાનો વિષય બની ચૂક્યાં છે. પરંતુ આ વખતે જ્યારે તેમણે પોતાના ભાષણમાં નાની આંખોની મજાક ઉડાવનારાઓ પર ટિપ્પણી કરી તો તેમનો આ વીડિયો વાયરલ થઇ ગયો હતો.

आज देश के सभी बड़े अख़बारों/website पर आप ही छाए हुए हैं। हर तरफ (Aajtak, NDTV, NBT, HT, Zee, Tv9, DB) आपकी और नागालैंड की चर्चा है।

आशा है @aajtak के ज़रिए जो प्यार पिछले 24 घंटे में आपको मिला उससे दिल मिलेंगे और North East से दूरियां घटेंगी।
बाक़ी आज आपका दिन है आनंद लीजिए 🙏 https://t.co/t9vu9iB3G1 pic.twitter.com/6fVu2FXBS4

— Shubhankar Mishra (@shubhankrmishra) July 10, 2022

આ વીડિયો આજતકના પત્રકાર શુભંકર મિશ્રાએ પણ શૅર કર્યો છે. આ વીડિયોમાં તેઓ કહેતા જોવા મળી રહ્યા છે કે જો તમારી આંખો નાની હોય તો અંદર ગંદકી ન જાય અને જો કાર્યક્રમ લાંબો હોય તો તે નાની આંખોના કારણે ઝોકું પણ ખાઈ શકે છે. કાર્યક્રમ દરમિયાન ‘ભારત માતા કી જય’ના નારા બોલાવવાના કારણે પણ તેમની ખૂબ પ્રશંસા થઇ રહી છે. 

नागालैंड के शिक्षा मंत्री @AlongImna आज सोशल मीडिया पर छाए हुए हैं।
नॉर्थ ईस्ट की इस सशक्त राष्ट्रवादी आवाज को सभी को सुनना चाहिए और इनके दर्द को भी महसूस करना चाहिए। ये नागालैंड में रहकर भारत विरोधी नैरैटिव से लड़ रहे हैं तो हम ऐसा क्यों नहीं कर सकते ? pic.twitter.com/fwTud4C8Gg

— Ashok Shrivastav (@AshokShrivasta6) July 9, 2022

તેમનું કહેવું છે કે આ નારો સાંભળીને તેઓ ગર્વ અનુભવે છે. આ જોઈને લોકો સોશિયલ મીડિયા પર તેમના વખાણ કરતા થાકતા નથી. તેમના ભાષણને શૅર કરતાં કહેવામાં આવી રહ્યું છે કે જ્યારે લોકો રાષ્ટ્રવિરોધી નરેટિવ સેટ કરવામાં વ્યસ્ત છે, ત્યારે તેમજેન અલોંગ જેવા નેતાઓ નાગાલેન્ડમાં રહીને પણ તેની સામે લડવાનું શ્રેષ્ઠ કામ કરી રહ્યા છે.

નેતાના વીડિયો જોઈને તેમને એટલા પસંદ કરવામાં આવી રહ્યા છે કે તેમની સાથે તેમની પત્ની અંગે પણ ગૂગલ પર સર્ચ કરવામાં આવી રહ્યું છે. તેમણે પોતે આનો સ્ક્રીનશોટ શૅર કરીને કહ્યું કે, ગૂગલ સર્ચે મને ઉત્સાહિત કરી દીધો છે. હું પોતે પણ પત્નીની શોધમાં છું. 

Ayalee, @Google search excites me.😆

I am still looking for her! pic.twitter.com/RzmmgyFFeq

— Temjen Imna Along (@AlongImna) July 10, 2022

આ ઉપરાંત તેણે વિશ્વ વસ્તી દિવસ નિમિત્તે એક રમુજી ટ્વિટ પણ કર્યું હતું અને કહ્યું હતું કે આ મુદ્દે જાગૃતિ લાવવી પડશે નહીં તો તેમની જેમ સિંગલ રહીને પણ ભવિષ્ય માટે યોગદાન આપી શકાશે. 

On the occasion of #WorldPopulationDay, let us be sensible towards the issues of population growth and inculcate informed choices on child bearing.

Or #StaySingle like me and together we can contribute towards a sustainable future.

Come join the singles movement today. pic.twitter.com/geAKZ64bSr

— Temjen Imna Along (@AlongImna) July 11, 2022