દિવાળીના આ તહેવારોની સિઝનમાં દેશમાં લગભગ ₹3.75 લાખ કરોડનો રેકોર્ડ વેપાર થયો છે. વડાપ્રધાન નરેન્દ્ર મોદીની ‘વોકલ ફોર લોકલ’ અપીલને કારણે ચીનને ₹1 લાખ કરોડથી વધુનું નુકસાન થયું છે.
દેશના વેપારીઓના સૌથી મોટા સંગઠન કોન્ફેડરેશન ઓફ ઓલ ઈન્ડિયા ટ્રેડર્સ (CAIT)એ આ બિઝનેસનો આંકડો આપ્યો છે. આ આંકડો ધનતેરસ, છોટી દિવાળી અને દિવાળી સુધીનો બિઝનેસ છે. ભાઈ બીજ અને છઠના આંકડા આવ્યા બાદ લગભગ ₹50 હજાર કરોડનો વધારો થવાની સંભાવના છે. તેવી જ રીતે ચીનને નુકસાન પણ વધવાની શક્યતા છે.
CAITએ કહ્યું છે કે આ વર્ષે માર્કેટમાં ચીનનો હિસ્સો ઘટ્યો છે. તેના ઉત્પાદનોના વેચાણમાં નોંધપાત્ર ઘટાડો થયો છે. ઉલ્લેખનીય છે કે ધનતેરસથી દિવાળી સુધી દેશભરમાં સુશોભનની વસ્તુઓ, સોના-ચાંદી, ખાદ્યપદાર્થો અને વાહનોનું બમ્પર વેચાણ થાય છે. જેના કારણે થોડા દિવસોમાં લાખો કરોડનો બિઝનેસ થાય છે.
CAITનું કહેવું છે કે થોડા વર્ષો પહેલા સસ્તા ચાઈનીઝ પ્રોડક્ટ્સ માર્કેટ પર કબજો જમાવી રહી હતી. ચીને દિવાળી દરમિયાન વેચાતી લગભગ 70% પ્રોડક્ટ્સ કબજે કરી લીધી હતી. છેલ્લા કેટલાક વર્ષોમાં આ પરિસ્થિતિ બદલાઈ છે. આ વખતે આ પરિસ્થિતિને બદલવા માટે CAITએ ‘ભારતીય ઉત્પાદન-સબકા ઉસ્તાદ’ જેવું અભિયાન શરૂ કર્યું હતું.
प्रधानमंत्री श्री @narendramodi की प्रेरणा से इस दिवाली #Vocal4Local ने मचाया धमाल।
— Praveen Khandelwal (@praveendel) November 12, 2023
भारतीय उत्पाद-सबका उस्ताद
पुरातन संस्कृति एवं आधुनिक टेक्नोलॉजी का आज दिवाली पर व्यापारियों @CAITIndia ने किया संगम
आज देश भर में व्यापारियों ने दिवाली पूजा में देवी देवताओं के साथ लैपटॉप,… pic.twitter.com/aSG3x49bxi
આ પરિસ્થિતિને બદલવામાં, ‘મેક ઇન ઇન્ડિયા’ (Make in India) જેવી ભારતની પહેલમાં વધારો અને સ્થાનિક ઉત્પાદનો ખરીદવાની વડાપ્રધાન મોદીની અપીલ સૌથી વધુ અસરકારક સાબિત થઈ છે. હવે લોકો ચીનમાં બનેલા માળા, મૂર્તિઓ અને અન્ય સુશોભન વસ્તુઓ ખરીદવાને બદલે ભારતીય વસ્તુઓને પસંદ કરી રહ્યા છે.
CAITએ જણાવ્યું છે કે આ ખરીદીમાંથી 13% ખાદ્ય ચીજવસ્તુઓ, 9% સોના, ચાંદી અને આભૂષણો, 12% કપડાં અને બાકીની નાની વસ્તુઓ જેવી કે મીઠાઈઓ, સુશોભનની વસ્તુઓ, વાસણો અને મોબાઈલ છે.
CAITનું કહેવું છે કે ભાઈ દૂજ અને છઠ જેવા તહેવારો દરમિયાન ₹50,000 કરોડના વધુ બિઝનેસની અપેક્ષા છે. આમ આ તહેવારોની સિઝનનો આ આંકડો ₹4.25 લાખ કરોડને પાર કરી જશે. આ સિવાય 23મી નવેમ્બરથી શરૂ થનારી લગ્ન સિઝનમાં પણ લગભગ ₹4 લાખ કરોડનો બિઝનેસ થવાની અપેક્ષા છે.
