‘આજે તમારો જન્મદિવસ છે, મન ભરીને બરાડા પાડજો દાદી’: સપા સાંસદ જયા બચ્ચનને ટ્વિટર પર મળી રહી છે શુભેચ્છાઓ, ઉગ્ર સ્વભાવને કારણે ટ્રોલ થયા કરે છે અભિનેત્રી

અભિનેત્રી અને સમાજવાદી પાર્ટીનાં રાજ્યસભા સાંસદ જયા બચ્ચન પોતાના ગુસ્સા અને આકરા વલણ માટે અવારનવાર સોશિયલ મીડિયા પર ટીકાપાત્ર બનતાં રહે છે. તેઓ ઘણી વખત પાપારાઝીને એલફેલ બોલતા અને તેમના પર પ્રહાર કરતા જોવા મળે છે. સોશિયલ મીડિયાના યુગમાં નાનામાં નાની વાત પણ લોકોથી છૂપી નથી રહી શકતી એટલે યુઝર્સ જયા બચ્ચનને લઈને ઇન્ટરનેટ પર જાતજાતની કમેન્ટ કરે છે અને મીમ્સ શેર કરે છે. આજે જયા બચ્ચનનો જન્મદિવસ છે, જેથી આજે પણ નેટિઝન્સે તેમને શુભેચ્છાઓ તો પાઠવી, પરંતુ થોડા જુદા અંદાજમાં. ટ્વિટર પર જયા બચ્ચનના બર્થડેના રિએક્શન જોવા જેવા છે.

લોકોએ જયા બચ્ચનને શુભેચ્છાઓ આપતી વખતે તેમના સ્વભાવને લઈને ટ્રોલ કર્યાં હતાં તો થોડા સમય પહેલાં રાજ્યસભામાં તેમણે ઉપરાષ્ટ્રપતિ સાથે કરેલા વર્તનને પણ નેટિઝન્સે યાદ કર્યું હતું.

અંજલિ સિંહ ચંદેલે ટ્વિટર પર જયા બચ્ચનના ઉગ્ર સ્વભાવને લઈને લખ્યું કે, “આજે મન ભરીને બરાડા પાડજો કેમકે, આજે તમારો બર્થડે છે દાદી.”

#JayaBachchan aaj dil khol ka chilanna sab pe because it’s ur bday dadi 🤣🤣🤣 pic.twitter.com/26vDiwFMMg

— Anjali Singh Chandel (@anjali80118) April 9, 2023

હર્ષિત અગરવાલ નામના ટ્વિટર યુઝરે લખ્યું કે, “હું 200% જયા બચ્ચન છું. હેપી બર્થડે જયા જી. મિત્રો ફોટો લેતી વખતે એમના ચહેરા પર ફ્લેશ ન મારતા.” સાથે તેમણે એક વિડીયો પોસ્ટ કર્યો હતો, જેમાં ‘ફોર રિઝન્સ યુ આર જયા બચ્ચન’ ટાઇટલ સાથે તેમને ટ્રોલ કરવામાં આવ્યાં હતાં.

I’m 200% #JayaBachchan 🥹

Happy Birthday Jaya Ji, don’t do the flash on her face guys 🙄 📸 pic.twitter.com/NAghWCPCt8

— Harshit Aggarwal (@harshit__ca) April 9, 2023

એક વ્યક્તિએ તેમની રાજ્યસભાની ચર્ચા દરમિયાનની તસ્વીર પોસ્ટ કરીને શુભેચ્છાઓ પાઠવી હતી.

Happy birthday #JayaBachchan pic.twitter.com/AkEQFxCpRt

— Deepak Lakhanpal🇮🇳 (@lakhanpaldeepak) April 9, 2023

ટ્વિટર પર જયા બચ્ચનના સ્વભાવને લઈને લોકોએ વ્યક્ત કરી હતી નારાજગી

થોડા સમય પહેલા એક વિડીયો વાયરલ થયો હતો જેમાં જયા બચ્ચન રાજ્યસભાના સત્ર દરમિયાન ભારતના ઉપરાષ્ટ્રપતિને આંગળી બતાવતાં જોવા મળે છે. આ મામલે ટ્વિટર પર જયા બચ્ચનના વર્તન સામે લોકોએ નારાજગી વ્યક્ત કરી હતી. એક યુઝરે તો એવી મજાક કરી કે, “જયા બચ્ચનને દરેકમાં અમિતાભ બચ્ચન દેખાય છે. શાંતિ રાખો બહેન.”

#Jayabachchan finds a Amitabh Bachchan in everyone

Calm down lady 🙏 pic.twitter.com/vVqsV8tOfy

— Raman (@SaffronDelhite) April 9, 2023

એક ટ્વિટર પેજે જયા બચ્ચનને જન્મદિનની શુભેચ્છાઓ પાઠવતાં લખ્યું હતું કે, તેમણે ફિલ્મોમાં ખૂબ સારું પ્રદર્શન કર્યું અને હવે સંસદ સભ્ય તરીકે રાજકારણમાં સેવા આપી રહ્યાં છે. જેની ઉપર કટાક્ષ કરતાં એક વ્યક્તિએ જયા બચ્ચન જેમાં ઉપ-રાષ્ટ્રપતિને આંગળી બતાવી રહ્યાં હતાં તે તસ્વીર શૅર કરીને લખ્યું કે, તેઓ રાજકારણમાં ખૂબ સારી સેવા આપી રહ્યાં છે.

She is serving great in politics pic.twitter.com/6P9ZrYo2RP

— Gopal Agrawal (@GopalAgravanshi) April 9, 2023

જયા બચ્ચનના અભિનયની વાત કરતા અન્ય એક ટ્વિટ નીચે રિપ્લાય કરતાં એક યુઝરે લખ્યું કે, તેમના રાજ્યસભાના અભિનયને કોઈ હરાવી શકે તેમ નથી.

Nothing can beat her Rajya Sabha act though 🫠.

— nameet (@punekopite) April 9, 2023

પાપારાઝી સામે હંમેશા ગુસ્સામાં હોય છે અભિનેત્રી

જયા બચ્ચન પાપારાઝીથી બહુ ચિડાઈ જાય છે એ વાત હવે જગજાહેર છે. તેઓ આ વાતને લઈને અવારનવાર ટ્રોલ થતા હોય છે. જયા બચ્ચન કોઈપણ ફોટોગ્રાફરને આડે હાથ લઈ લે છે એટલે સોશિયલ મીડિયા પર આ પ્રકારના તેમના વિડીયો પણ બહુ જોવાય છે. એક વિડીયોમાં જયા બચ્ચને ગુસ્સામાં પાપારાઝીને એવું કહ્યું હતું કે, તમે હજુ ગબડી પડો.

Really …what an awful character #Jayabachchan is

We also wish she tumbles & falls, like she wishes to the guy in this videopic.twitter.com/rmoVEFyGWU https://t.co/1nZEHSVK8a

— Raman (@SaffronDelhite) April 9, 2023

તો અન્ય એક ઇવેન્ટમાં અમિતાભ બચ્ચન સાથે પહોંચેલા પીઢ અભિનેત્રીએ પાપારાઝી પર ભડકીને કહ્યું હતું કે આવા લોકોને નોકરીમાંથી કાઢી મૂકવા જોઈએ. ત્યારે સ્થળ પર હાજર બિગ બીએ મામલો સંભાળ્યો હતો.