મધ્યપ્રદેશમાં લવ જેહાદના કિસ્સાઓ સતત સામે આવી રહ્યા છે. ઈન્દોર પણ આમાંથી બાકાત નથી. આ ક્રમમાં હિંદુ સંગઠનો સાથે જોડાયેલા લોકોએ ગુરુવારે ત્રણ મુસ્લિમ યુવકોને અલગ-અલગ જગ્યાએથી પકડ્યા હતા. આ છોકરાઓ હિન્દુ છોકરીઓ સાથે વાંધાજનક કૃત્ય કરતા હતા. આ મામલે પોલીસે યુવકો સામે કાર્યવાહી હાથ ધરી છે.
ખજૂરાના ગણેશ મંદિરમાંથી એક યુવક ઝડપાયો છે જે સ્કૂલની વિદ્યાર્થિની પર લગ્ન માટે દબાણ કરતો હતો. ટાઈલ્સ લગાવવાનું કામ કરતો મોહમ્મદ ફૈઝાન નામનો વ્યક્તિ યુવતીને કહી રહ્યો હતો કે, તને લગ્ન પછી નમાઝ પઢાવીશ. ખજરાણા પોલીસે યુવકની ધરપકડ કરી છે અને તેની સામે છેડતી, ધમકી અને મધ્યપ્રદેશ ધાર્મિક સ્વતંત્રતા અધિનિયમ હેઠળ કેસ નોંધ્યો છે. આ ઉપરાંત સંયોગિતાગંજ અને ચંદનનગર પોલીસે પણ બે યુવકો સામે કાર્યવાહી કરી છે.
એસઆઈ મનીષા ડાંગીના જણાવ્યા અનુસાર, લાલ ચોકમાં રહેતો ફૈઝાન અને વિદ્યાર્થિની નવમા ધોરણમાં અભ્યાસ કરતા હતા ત્યારે તેમની મિત્રતા થઈ હતી. હવે તે 12માં અભ્યાસ કરે છે. વેલેન્ટાઈન ડે પર, ફૈઝાન પ્રેમનો દાવો કરે છે અને તેને ફસાવે છે. તેને કહ્યું કે અમે અમારા સંબંધીઓને જાણ કર્યા વિના લગ્ન કરીશું. લગ્ન પછી તું મુસ્લિમ બની જઈશ અને તારે નમાઝ અદા કરવી પડશે.
આમ લવ જેહાદના કિસ્સાઓ સામે આવતા પોલિસે પણ લાલ આંખ કરી છે, એસઆઈએ જણાવ્યું કે ગુરુવારે સાંજે ફૈઝાને યુવતીને ખજરાના ગણેશ મંદિર પાસે બોલાવી અશ્લીલ હરકતો કરી હતી. આ દરમિયાન હિન્દુ સંગઠનના લોકો આવી પહોંચ્યા અને બંનેને પકડી લીધા હતા. વિદ્યાર્થીએ ફૈઝાનનો ઈરાદો જણાવ્યો અને પોલીસ સ્ટેશનમાં રિપોર્ટ લખાવ્યો. પોલીસ ફૈઝાનના સોશિયલ મીડિયા ચેટિંગ અને ફોનની તપાસ કરી રહી છે.
આ સિવાય હિન્દુ સંગઠનના લોકોએ ગુરુવારે સાંજે આવાજ એક બીજ કિસ્સામાં આરોપી મોહમ્મદ સમીરને પકડી લીધો હતો. સમીર હિન્દુ યુવતી સાથે પણ અશ્લીલ હરકતો કરતો હતો. પકડાઈ જતાં તેણે યુવતીને તેની બહેન કહેવાનું શરૂ કરી દીધુ હતુ. આ ઘટના નગીન નગર સ્થિત સિટી સ્ટાર સ્કૂલની બહાર બની હતી. જોકે, વિદ્યાર્થીએ બદનક્ષીના ડરથી રિપોર્ટ લખવાનો ઈન્કાર કરી દીધો હતો.
આમ મધ્યપ્રદેશની અંદર લવ જેહાદ લગતા કિસ્સાઓ સામે આવ્યા છે.
