મંગળવાર, 5 જુલાઈના રોજ, એન્ફોર્સમેન્ટ ડિરેક્ટોરેટે ચાઈનીઝ મોબાઈલ કંપની VIVO સાથે જોડાયેલા દેશભરમાં 44 જેટલા સ્થળોએ દરોડા પાડ્યા હતા. ચાઈનીઝ સ્માર્ટફોન મેન્યુફેક્ચરિંગ કંપની વિરુદ્ધ મની લોન્ડરિંગની તપાસમાં આ શોધખોળ કરવામાં આવી રહી છે.
ED conducts raids at 44 places in money laundering probe against Chinese mobile manufacturing company Vivo & related firms:Officials
— Press Trust of India (@PTI_News) July 5, 2022
જે રાજ્યોમાં શોધ ચાલી રહી છે તેમાં બિહાર, ઝારખંડ, ઉત્તર પ્રદેશ, હિમાચલ પ્રદેશ, મધ્ય પ્રદેશ, પંજાબ અને હરિયાણાનો સમાવેશ થાય છે. પ્રિવેન્શન ઓફ મની લોન્ડરિંગ એક્ટ (PMLA)ની કલમો હેઠળ સર્ચ કરવામાં આવી રહ્યું છે.
મે મહિનામાં, ZTE કોર્પ.ના ભારતીય એકમો, ચીનની આંશિક રીતે સરકારી માલિકીની ટેક્નોલોજી કંપની અને Vivo મોબાઈલ કોમ્યુનિકેશન્સ કંપની કથિત નાણાકીય અનિયમિતતાઓ માટે સ્કેનર હેઠળ આવી હતી.
ચાઈનીઝ મોબાઈલ કંપની Xiaomiના ભારતીના યુનિટને 653 કરોડ રૂપિયાની ત્રણ કારણદર્શક નોટિસ ફટકારવામાં આવી
નાણાકીય અનિયમિતતા માટે સ્કેનર હેઠળ VIVO એકમાત્ર ચાઇનીઝ મોબાઇલ કંપની નથી. આ વર્ષે જાન્યુઆરીમાં, નાણા મંત્રાલયે ચાઇનીઝ ફોન નિર્માતા Xiaomiના ભારતીય એકમ ‘Xiaomi ટેકનોલોજી ઈન્ડિયા’ને ઓછા મૂલ્યાંકન દ્વારા કસ્ટમ ડ્યુટીને ટાળવા બદલ ત્રણ કારણ બતાવો નોટિસ જારી કરી હતી. નોટિસ સાથે, ટેક્સ વિભાગ કંપની પાસેથી ટેક્સમાં રૂ. 653 કરોડની માંગ કરી રહ્યા છે. ડિરેક્ટોરેટ ઓફ રેવન્યુ ઈન્ટેલિજન્સ (DRI) દ્વારા Xiaomi ઈન્ડિયા અને તેના કોન્ટ્રાક્ટ ઉત્પાદકો વિરુદ્ધ વિગતવાર તપાસ શરૂ કર્યા પછી આ ઘટનાક્રમ થયો છે.
A show-cause notice has been slapped on Xiaomi India following recovery of documents during searches on its premises that indicated remittance of royalty and licence fee to US and Chinese firms under contractual obligations. #Xiaomi #China pic.twitter.com/KLdP4QPMWy
— Organiser Weekly (@eOrganiser) January 6, 2022
આવકવેરા વિભાગે 21 ડિસેમ્બરે દેશભરમાં અગ્રણી ચાઈનીઝ મોબાઈલ કંપનીઓ પર તપસ હાથ ધર્યાના એક મહિના બાદ આ ઘટના સામે આવી છે. દિલ્હી, આસામ, પશ્ચિમ બંગાળ, આંધ્ર પ્રદેશ, મધ્ય પ્રદેશ, ગુજરાત, મહારાષ્ટ્ર, બિહાર, રાજસ્થાન અને કર્ણાટક, તમિલનાડુ સહિત 11 રાજ્યોમાં Oppo, Xiaomi અને One Plusની ઓફિસોમાં સર્ચ ઓપરેશન કરવામાં આવ્યું હતું.
સર્ચમાં બહાર આવ્યું છે કે બે મોટી કંપનીઓએ વિદેશમાં સ્થિત તેની ગ્રૂપ કંપનીઓને અને તેના વતી રોયલ્ટીના નામે મોટી રકમો મોકલી હતી, જે કુલ રૂ. 5500 કરોડથી વધુ છે.
