ઉત્તર પ્રદેશમાં ભારતીય જનતા પાર્ટીની સરકાર બન્યાને 8 વર્ષ પૂર્ણ થયા છે. 2017 અને ત્યારપછી 2022માં પણ જનતાએ ભાજપને બહુમત આપ્યો હતો. 8 વર્ષથી CM યોગી (CM Yogi Adityanath) ઉત્તર પ્રદેશના મુખ્યમંત્રી તરીકે કાર્યરત છે. ત્યારે 8 વર્ષ પૂર્ણ થયા બાદ સરકારે બુકલેટ જારી કરી છે.
આ દરમિયાન CM યોગીએ એક પ્રેસકોન્ફરન્સનું આયોજન કર્યું હતું. આ પ્રસંગે તેમણે રાજ્ય સરકારની સિદ્ધિઓ પર એક પુસ્તિકાનું વિમોચન કર્યું. ઉપરાંત, સરકારની ‘સેવા, સુરક્ષા અને સુશાસન નીતિ’ પર આધારિત એક ડોક્યુમેન્ટ્રી ફિલ્મ પણ રજૂ કરવામાં આવી હતી.
#WATCH लखनऊ: उत्तर प्रदेश के मुख्यमंत्री योगी आदित्यनाथ ने अपनी सरकार के 8 साल पूरा होने के अवसर पर उत्तर प्रदेश सूचना विभाग की बुकलेट का विमोचन किया। pic.twitter.com/zIv2BPGqmx
— ANI_HindiNews (@AHindinews) March 24, 2025
પ્રેસ કોન્ફરન્સમાં CM યોગીએ કહ્યું કે “અમારી ડબલ એન્જિન સરકારમાં યુવાનો અને મહિલાઓ માટે કામ કરવામાં આવ્યું છે.” તેમણે કહ્યું કે 8 વર્ષમાં જનતાએ સંપૂર્ણ સમર્થન આપ્યું છે. 8 વર્ષ પહેલાં ઉત્તર પ્રદેશ એક બીમાર રાજ્ય માનવામાં આવતું હતું, પરંતુ આજે એ જ રાજ્ય આર્થિક શક્તિ તરીકે ઉભરી આવ્યું છે.
આ ઉપરાંત CM યોગીએ કહ્યું હતું કે, પહેલાં ઉત્તર પ્રદેશને વિકાસમાં અવરોધક માનવામાં આવતું હતું, પરંતુ આજે એ જ ઉત્તર પ્રદેશ વિકાસના ઉદાહરણ તરીકે ઉભરી આવ્યું છે. તેમણે કહ્યું કે રાજ્ય એ જ છે, લોકો એ જ છે, વ્યવસ્થા એ જ છે, ફક્ત સરકાર બદલવાથી મોટું પરિવર્તન જોવા મળી રહ્યું છે.
