કોલકાતાના (Kolkata) વઝાહત ખાન કાદરી રશીદી (Wazahat Khan Qadri Rashidi) વિરુદ્ધ વધુ એક ફરિયાદ દાખલ કરવામાં આવી છે, જેણે કાયદાની યુવા વિદ્યાર્થીની શર્મિષ્ઠા પાનોલી વિરુદ્ધ ઇસ્લામના અપમાનના આરોપમાં FIR દાખલ કરી હતી. આ FIRના કારણે કોલકાતા પોલીસે તેમની ધરપકડ કરી હતી. દિલ્હીમાં બે વકીલો દ્વારા દાખલ કરાયેલી બે ફરિયાદો પછી, આસામના ગુવાહાટીમાં હિંદુ દેવી-દેવતાઓનું અપમાન કરતી તેની સોશિયલ મીડિયા પોસ્ટ્સ પર ત્રીજી ફરિયાદ (FIR in Guwahati, Assam) દાખલ કરવામાં આવી છે.
વોઇસ ઓફ આસામ નામના એકાઉન્ટ પાછળના વ્યક્તિ અને હિંદુ આઇટી સેલના નેતા સંતનુ સૈકિયા દ્વારા આ ફરિયાદ દાખલ કરવામાં આવી છે. ગુવાહાટીના પાનબજાર પોલીસ સ્ટેશનની સાયબર ક્રાઇમ બ્રાન્ચમાં 1 જૂનના રોજ ફરિયાદ દાખલ કરવામાં આવી હતી. ફરિયાદમાં વઝાહત ખાન કાદરી રશીદીની સોશિયલ મીડિયા પોસ્ટ્સનો ઉલ્લેખ છે જેમાં તેમણે ગુવાહાટીના કામાખ્યા મંદિરની દેવીને ‘કાપેલી યોનિ’ કહી હતી અને ભક્તોને માનસિક રીતે બીમાર કહ્યા હતા.
I, along with @ModifiedChokra, have filed an FIR against Wazahat Khan, the instigator behind Sharmistha Panoli’s arrest.
— Voice of Assam (@VoiceOfAxom) June 1, 2025
A habitual offender, Wazahat Khan regularly spews venom against Hindu beliefs, makes vile remarks about Maa Kamakhya and Lord Krishna, and mocks Sanatan… pic.twitter.com/RNvjOx9D5f
ફરિયાદોમાં હિંદુ લાગણીઓને ઠેસ પહોંચાડવા બદલ તે વ્યક્તિ વિરુદ્ધ FIR નોંધવાની અને તપાસ કરવાની માંગ કરવામાં આવી હતી, અને તે વ્યક્તિ કાયદા હેઠળ જવાબદાર બને તેની ખાતરી કરવાની માંગ કરવામાં આવી હતી.
અગાઉ, એડવોકેટ વિનીત જિંદાલ અને એડવોકેટ અમિતા સચદેવાએ દિલ્હીમાં વઝાહત ખાન વિરુદ્ધ બે અલગ અલગ ફરિયાદો દાખલ કરી હતી.
