ઉત્તરાખંડના તમામ મદરેસામાં (Uttarakhand Madrasa) ‘ઑપરેશન સિંદૂર’ (Operation Sindoor) વિશે ભણાવવામાં આવશે. તેને અભ્યાસક્રમમાં પણ ઉમેરવામાં આવશે. ઉત્તરાખંડ સરકારે રાજ્યભરના તમામ માન્યતા પ્રાપ્ત મદરેસાના અભ્યાસક્રમમાં ઑપરેશન સિંદૂરનો સમાવેશ કરવાનો નિર્ણય લીધો છે. નોંધનીય છે કે આતંકવાદ બાબતે પાકિસ્તાન વિરુદ્ધ કરવામાં આવેલી કાર્યવાહીને ‘ઑપરેશન સિંદૂર’ નામ આપવામાં આવ્યું હતું.
વક્ફ બોર્ડે કહ્યું કે જો અહીંના આધુનિક મદરેસામાં ભણતા બાળકોને ‘ઑપરેશન સિંદૂર’ વિશે ખબર નથી, તો તેઓ ક્યાંથી જાણશે. તેમણે કહ્યું કે, “અમે માનીએ છીએ કે લશ્કરી નિવાસસ્થાન હોવાને કારણે, અમારા બાળકોને અમારા સૈનિકોની બહાદુરીની વાર્તાઓ કહેવાની અમારી ફરજ છે.”
उत्तराखंड की धामी सरकार का बड़ा फैसला, मदरसों के पाठ्यक्रम में ऑपरेशन सिंदूर#Madrasa | #OperationSindoor | @RawatKishor3 pic.twitter.com/Y9rbMImsXd
— NDTV India (@ndtvindia) May 20, 2025
તાજેતરમાં, રાજસ્થાન સરકારે શાળાઓ અને કોલેજોના અભ્યાસક્રમમાં ઑપરેશન સિંદૂરનો સમાવેશ કરવાનો નિર્ણય લીધો હતો. નવી શિક્ષણ નીતિ હેઠળ, આ શૈક્ષણિક સત્રથી તેને શાળાના અભ્યાસક્રમમાં સામેલ કરવામાં આવશે.
પહલગામ આતંકવાદી હુમલાના (Pahalgam Terror Attack) જવાબમાં, ભારતે 7 મેના રોજ સવારે હવાઈ હુમલા કરીને પાકિસ્તાન અને PoKમાં નવ આતંકવાદી ઠેકાણાઓનો નાશ કર્યો હતો. ભારતીય કાર્યવાહી બાદ, પાકિસ્તાને 8, 9 અને 10 મેના રોજ ભારતીય લશ્કરી ઠેકાણાઓ પર હુમલો કરવાનો પ્રયાસ કર્યો. ચાર દિવસના સંઘર્ષ પછી, 10 મેના રોજ બંને પક્ષો વચ્ચે યુદ્ધવિરામ પર સંમતિ થઈ હતી.
