ડોનાલ્ડ ટ્રમ્પ (Donald Trump) 20 જાન્યુઆરીએ અમેરિકાના (USA) નવા રાષ્ટ્રપતિ (President) તરીકે શપથ લેવા જઈ રહ્યા છે. આ પહેલાં તેઓ પોતાની ટીમ (Team) બનાવવામાં વ્યસ્ત છે. તેમણે પોતાની ટીમના ઘણા નવા ચહેરાઓના પ્રાથમિકતા આપી છે. ખાસ કરીને ભારતવંશી (Indian origin) લોકોને તેમણે પોતાની કેબિનેટમાં મોટી જવાબદારી પણ સોંપી છે. તેમાં કશ્યપ પટેલ, વિવેક રામાસ્વામીથી લઈને અનેક નામો સામેલ છે.
હવે ટ્રમ્પની ટીમમાં વધુ એક ભારતવંશીનું નામ સામેલ થયું છે. તેમણે ભારતીય-અમેરિકી વકીલ હરમીત ધિલ્લોનને (Harmeet Dhillon) મોટી જવાબદારી સોંપી છે. ચંડીગઢના હરમીતને ટ્રમ્પ સરકારમાં ન્યાય વિભાગમાં નાગરિક અધિકાર માટે સહાયક એટર્ની જનરલ તરીકે નિયુક્ત કરવામાં આવ્યા છે. ટ્રમ્પે આ માહિતી પોતાના આધિકારિક X હેન્ડલ પરથી આપી હતી.
I am pleased to nominate Harmeet K. Dhillon as Assistant Attorney General for Civil Rights at the U.S. Department of Justice. Throughout her career, Harmeet has stood up consistently to protect our cherished Civil Liberties, including taking on Big Tech for censoring our Free…
— Donald J. Trump Posts From His Truth Social (@TrumpDailyPosts) December 10, 2024
ટ્રુથ સોશિયલ પર એક પોસ્ટમાં ટ્રમ્પે લખ્યું કે, “મને અમેરિકી ન્યાય વિભાગમાં નાગરિક અધિકારો માટે આસિસ્ટન્ટ એટર્ની જનરલ તરોકે હરમીત કે ધિલ્લોનને નામાંકિત કરતા ખૂબ ખુશી થઈ રહી છે.”
