ટાટા (TATA) સન્સના ચેરમેન એન. ચંદ્રશેખરને કહ્યું છે કે, કંપની અમદાવાદમાં (Ahmedabad) એર ઇન્ડિયા વિમાન દુર્ઘટનાના (Plane Crash) મૃતકોના પરિવારોને ₹1 કરોડ આપશે. CNBC TV18 સાથે વાત કરતા તેમણે કહ્યું છે કે કંપની દુર્ઘટનામાં ઇજાગ્રસ્ત થયેલા તમામ વ્યક્તિઓના તબીબી ખર્ચ પણ ચૂકવશે.
We are deeply anguished by the tragic event involving Air India Flight 171.
— Tata Group (@TataCompanies) June 12, 2025
No words can adequately express the grief we feel at this moment. Our thoughts and prayers are with the families who have lost their loved ones, and with those who have been injured.
Tata Group will…
વધુમાં, ટાટા એર ઇન્ડિયા ક્રેશ થયેલા વિમાનથી નુકસાન પામેલી ઇમારતોનું પણ ફરીથી નિર્માણ કરશે. બોઈંગ 787-8 વિમાન ઉડાન ભર્યાના થોડી મિનિટો પછી એરપોર્ટ નજીક મેઘાણીનગરમાં બીજે મેડિકલ કોલેજના ડોક્ટર્સ હોસ્ટેલમાં ક્રેશ થયું હતું. આ ઘટનામાં હોસ્ટેલની ઇમારતોને ભારે નુકસાન થયું છે. ચંદ્રશેખરને જણાવ્યું છે કે, ક્ષતિગ્રસ્ત ઇમારતોને કંપની દ્વારા ફરીથી બનાવવામાં આવશે.
દુર્ઘટનાને લઈને ટાટા સન્સના ચેરમેને કહ્યું છે કે, આ તેમના વ્યાવસાયિક જીવનનો સૌથી ખરાબ દિવસ હતો. તેમણે એવું પણ કહ્યું છે કે, દુર્ઘટનાની તપાસમાં મદદ કરવા માટે બોઈંગની એક ટીમ અમેરિકાથી ભારત આવી રહી છે. તે સિવાય GE એરોસ્પેસ પણ તપાસમાં મદદ માટે પોતાની ટીમ મોકલી રહી છે.
