સુપ્રીમ કોર્ટે (Supreme Court) જસ્ટિસ યશવંત વર્મા કેસના (Justice Yashwant Verma) તપાસ અહેવાલને જાહેર કરવાનો ઇનકાર કરી દીધો છે. આ તપાસ અહેવાલ (investigation report) ત્રણ ન્યાયાધીશોની સમિતિ દ્વારા તૈયાર કરવામાં આવ્યો હતો. આ જાહેર કરવા માટે એક RTI દાખલ કરવામાં આવી હતી. આ અરજી મહારાષ્ટ્રના એક વકીલ દ્વારા દાખલ કરવામાં આવી હતી.
આ અરજીમાં CJI સંજીવ ખન્ના દ્વારા રાષ્ટ્રપતિ અને વડા પ્રધાનને મોકલવામાં આવેલા પત્ર વિશે પણ માહિતી માંગવામાં આવી હતી. આ સંદર્ભમાં દાખલ કરાયેલી આરટીઆઈ સુપ્રીમ કોર્ટના માહિતી અધિકારી દ્વારા ફગાવી દેવામાં આવી છે. તેમણે કહ્યું કે સુપ્રીમ કોર્ટના માર્ગદર્શિકા મુજબ, આ માહિતી જાહેર કરી શકાતી નથી.
The Supreme Court recently rejected an application filed under the Right to Information (RTI) Act, 2005, seeking a copy of the report submitted by the in-house inquiry committee in respect of the allegations against Justice Yashwant Varma and also the letter written by the Chief… pic.twitter.com/oU2o5rjvec
— Live Law (@LiveLawIndia) May 26, 2025
ઉલ્લેખનીય છે કે 14 માર્ચ, 2025ના રોજ દિલ્હી હાઈકોર્ટમાં પોસ્ટેડ જસ્ટિસ યશવંત વર્માના ઘરમાં આગ લાગી હતી ત્યારે નોટોના બંડલ મળી આવ્યા હતા. ત્યારબાદ ત્રણ સભ્યોની સમિતિએ આ મામલે પોતાનો તપાસ રિપોર્ટ રજૂ કર્યો હતો. આ પછી, CJI સંજીવ ખન્નાએ આ રિપોર્ટ પીએમ મોદી અને રાષ્ટ્રપતિ દ્રૌપદી મુર્મુને કાર્યવાહી માટે મોકલ્યો.
આ અહેવાલ પછી પણ, જસ્ટિસ વર્માએ રાજીનામું આપવાનો ઇનકાર કર્યો હતો. તેમને અગાઉ અલ્હાબાદ હાઈકોર્ટમાં ટ્રાન્સફર કરવામાં આવ્યા હતા.
