પાકિસ્તાનના બલૂચિસ્તાનના નોશકી વિસ્તારમાં સેનાની એક બસ પર હુમલો થયો છે. આ હુમલાની જવાબદારી બલૂચિસ્તાન લિબરેશન આર્મીએ લીધી છે અને 90 પાકિસ્તાની સૈનિકો માર્યા ગયા હોવાનો દાવો કર્યો છે.
#BREAKING: 12 Pak soldiers killed and over 26 injured as Pakistani FC forces bus comes under attack followed by heavy gunfire in the Rakshani Mill area of Regional Corporate Development N-40 highway in Noshki, Balochistan. Ambulances and choppers were seen rushing to the spot. pic.twitter.com/ZOqsh1PFzG
— Aditya Raj Kaul (@AdityaRajKaul) March 16, 2025
પાકિસ્તાની મીડિયા અનુસાર, નેશનલ હાઇવે પરથી સેનાના ફ્રન્ટિયર કોર્પ્સની બસ પસાર થઈ રહી હતી, ત્યારે તેની ઉપર હુમલો કરી દેવામાં આવ્યો. પ્રાથમિક તપાસમાં હુમલો ‘આત્મઘાતી’ હોવાનું કહેવામાં આવે છે.
સ્થાનિક પોલીસે જણાવ્યું કે, સ્થળ પરથી મળેલા પુરાવાઓ પરથી જાણવા મળ્યું છે કે આત્મઘાતી હુમલાખોરે એક વિસ્ફોટક ભરેલી કાર પાકિસ્તાની સેનાના સૈનિકોની બસ સાથે અથડાવી દીધી હતી.
હુમલામાં અનેક પાકિસ્તાની સેનાના જવાનો ગંભીર રીતે ઘાયલ થયા હોવાનું જણાવવામાં આવ્યું છે, જેથી મૃતકોનો આંકડો વધી શકે એવી આશંકા વ્યક્ત કરવામાં આવી છે. પાકિસ્તાનના મીડિયામાં મૃતકોનો આંકડો પાંચ જણાવવામાં આવી રહ્યો છે.
#BREAKING: Baloch Liberation Army claims responsibility for the Noshki attack in Balochistan on Pakistani military bus. Baloch rebels claim 90 military personnel killed so far. (If BLA is saying 90 killed, then surely at least 30-45 have been killed) https://t.co/TLVrhrB58m pic.twitter.com/WlOPWCfOSl
— Aditya Raj Kaul (@AdityaRajKaul) March 16, 2025
બીજી તરફ, બલોચ લિબરેશન આર્મીએ જણાવ્યું કે તેમની મજીદ બ્રિગેડે નોશકી હાઇવે ઉપર પાકિસ્તાની સેનાના કાફલાને નિશાન બનાવ્યો, જેમાં કુલ આઠ બસ હતી. તેમાંથી એક બસ હુમલામાં સંપૂર્ણપણે નાશ પામી છે. આગળ જણાવવામાં આવ્યું કે, હુમલા બાદ BLAની ફતેહ સ્ક્વાડે તરત જ અન્ય એક બસને ઘેરી લીધી અને તમામ સેનાના સૈનિકોને મારી નાખ્યા, જેનાથી દુશ્મનોના મોતનો આંકડો 90 પર પહોંચ્યો છે.
