કર્ણાટકના (Karnataka) હાવેરી શહેરમાં એક ચોંકાવનારી ઘટનામાં, ગેંગરેપના સાત આરોપીઓનું (gang-rape accused) તેમના સમર્થકો દ્વારા હીરોની જેમ સ્વાગત કરવામાં આવ્યું. ‘વિજય સરઘસ’નો (victory procession) વિડીયો હાલ સોશિયલ મીડિયા પર વાયરલ થયો છે.
અહેવાલો અનુસાર, ગેંગરેપના આ આરોપીઓની ઓળખ આફતાબ ચંદનકટ્ટી, મદાર સાબ મંદાક્કી, સમીવુલ્લા લલનાવર, મોહમ્મદ સાદિક અગાસીમાની, શોએબ મુલ્લા, તૌસીપ ચોટી અને રિયાઝ સવિકેરી તરીકે કરવામાં આવી છે.
DEPRAVED: Gang rape accused on a victory procession after securing bail. Haveri tense. Bike rally featured 7 accused A1- Aptab Chandanakatti, A2- Madar Saab Mandakki, A3- Samiwulla Lalanavar, A7- Mohammad Sadiq Agasimani, A8- Shoib Mulla, A11- Tausip Choti, A13- Riyaz Savikeri pic.twitter.com/KxJD0EMrv0
— Rahul Shivshankar (@RShivshankar) May 23, 2025
જાન્યુઆરી 2024માં 26 વર્ષીય મહિલા પર થયેલા સામૂહિક બળાત્કારના કેસમાં મંગળવારે (20 મે) હાવેરી સેશન્સ કોર્ટે 7 લોકોને જામીન આપ્યા હતા. જે તમામ છેલ્લા 17 મહિનાથી ન્યાયિક કસ્ટડીમાં છે.
ગેંગરેપના આ આરોપીઓનું કાર અને બાઇકમાં તેમના સમર્થકો દ્વારા ઉષ્માભર્યું સ્વાગત કરવામાં આવ્યું. આ ઘટના બાદ, 7 લોકો વિરુદ્ધ ‘ગેરકાયદેસર રીતે ભેગા થવા’ અને ‘ખતરનાક રીતે વાહન ચલાવવા’ બદલ FIR દાખલ કરવામાં આવી હતી. હાવેરી પોલીસ અધિક્ષક અંશુ કુમાર શ્રીવાસ્તવે જણાવ્યું હતું કે, “અમે આ આરોપીઓ સામે કેસ નોંધીશું અને તેમના જામીન રદ કરવા માટે કોર્ટમાં અપીલ કરીશું.”
