હવામાન વિભાગની તાજેતરની આગાહી અનુસાર, અમદાવાદ શહેર સિવાય ગુજરાતના 9 જિલ્લાઓમાં રેડ એલર્ટ જાહેર કરવામાં આવ્યું છે. કારણ કે, બુધવારે સવાર સુધીમાં આ જિલ્લાઓમાં ભારેથી અતિભારે વરસાદ પડવાની સંભાવના છે. IMDએ અમદાવાદ, આણંદ, ભરૂચ, સુરેન્દ્રનગર, મોરબી, પોરબંદર, જૂનાગઢ, ભાવનગર અને બોટાદ જિલ્લામાં રેડ એલર્ટ જારી કર્યું છે.
તે સિવાય બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, વડોદરા, સુરત, નવસારી, વલસાડ, રાજકોટ, જામનગર, અમરેલી, મોરબી, દેવભૂમિ દ્વારકા, ગિર સોમનાથ અને કચ્છ જિલ્લામાં પણ ભારે વરસાદની આગાહી સાથે ઓરેન્જ એલર્ટ જારી કરવામાં આવ્યું છે. તે સિવાય રાજ્યના બાકીના જિલ્લાઓમાં પણ યેલો એલર્ટ જાહેર કરવામાં આવ્યું છે.
ભાવનગર જિલ્લા માં અતિશય વરસાદ ના લીધે કાલે તા.૧૮/૬/૨૫ ના દિવસે તમામ શાળાઓ બંધ રાખવાની રહેશે. આ ઓર્ડર પ્રિ-પ્રાઇમરી થી લઇને હાયર સેકન્ડરી સુધીની તમામ સરકારી, ગ્રાન્ટેડ અને ખાનગી સ્કૂલો માટે લાગુ રહેશે.@CMOGuj @GIDMOfficial @Deobhavnagar @DPEOBHAV @Info_Bhavnagar pic.twitter.com/3vTJVIo55t
— Collector & District Magistrate Bhavnagar (@Collectorbhav) June 17, 2025
નોંધનીય છે કે, સૌરાષ્ટ્રના મોટાભાગના વિસ્તારોમાં સતત વરસાદ વરસવાના કારણે જળબંબાકારની સ્થિતિ ઊભી થઈ ગઈ હતી. ભાવનગરના મહુવા, તલગાજરડા વિસ્તારમાં ભારે પાણી ભરાઈ ગયા હતા અને લોકોને રેસ્ક્યુ કરવાની ફરજ પડી હતી. તે સિવાય બોટાદમાં પણ મેઘતાંડવ જોવા મળ્યો હતો, જેના કારણે અનેક લોકોને રેસ્ક્યુ કરવામાં આવ્યા હતા. આવી જ સ્થિતિ અમરેલીમાં પણ હતી. વધુમાં ભાવનગરના કલેકટરે બુધવારના રોજ (17 જૂન) તમામ શાળા-કોલેજો બંધ રાખવાના આદેશ આપ્યા છે.
