રાજધાની દિલ્હીમાં (Delhi) કોંગ્રેસે (Congress) પોતાનું નવું મુખ્યમથક (Headquarters) બનાવ્યું છે. બુધવારે (15 જાન્યુઆરી) કોંગ્રેસના નવા મુખ્યમથકનું ઉદ્ઘાટન થવા જઈ રહ્યું છે. પરંતુ તે પહેલાં જ વાતાવરણ થોડું ગરમાયેલું જોવા મળી રહ્યું છે. કારણ કે, નવા મુખ્યમથકની બહાર મનમોહન સિંઘના (Manmohan Singh) પોસ્ટર લગાવવામાં આવ્યા છે અને સાથે લખવામાં આવ્યું છે કે, ‘સરદાર મનમોહન સિંઘ ભવન’.
#WATCH | Delhi | Congress' new headquarters 'Indira Bhawan' will be inaugurated today.
— ANI (@ANI) January 15, 2025
Posters referring to the party's new headquarters as 'Sardar Manmohan Singh Bhawan' seen put up here pic.twitter.com/Tazmi8tlJw
અહીં એ પણ નોંધવા જેવું છે કે, સરકારને બધી વાતોમાં સલાહ આપતી પાર્ટી કોંગ્રેસે આ મુખ્યમથકનું નામ ‘ઇન્દિરા ગાંધી ભવન’ રાખ્યું છે. જે બાદ ઉદ્ઘાટન પહેલાં જ ભવનની બહાર પૂર્વ વડાપ્રધાન મનમોહન સિંઘના પોસ્ટરો જોવા મળી રહ્યા છે.
પોસ્ટરોમાં મનમોહન સિંઘની તસવીર પણ જોવા મળી રહી છે. આ સાથે જ તેના પર ‘સરદાર મનમોહન સિંઘ ભવન’ લખવામાં આવ્યું છે. આ પોસ્ટર એવા સમયે લગાવવામાં આવ્યા છે. જ્યારે કોંગ્રેસ સતત દિલ્હીમાં મનમોહન સિંઘના નામ પર સ્મારક બનાવવાની સલાહ આપી રહી છે. જ્યારે બીજી તરફ તેમની જ પાર્ટીમાં નવા મુખ્યાલયના નામને લઈને ખેંચતાણ જોવા મળી રહી છે.
