મ્યાનમારમાં 28 માર્ચે આવેલા ભયાનક ભૂકંપના કારણે 300થી વધુ લોકો ઘાયલ છે અને 103 લોકો જીવ ગુમાવી ચૂક્યા છે. જ્યારે થાઈલેન્ડમાં 4 લોકોનાં મૃત્યુ થયાં છે અને 50થી વધુ ઘાયલ છે. ભૂકંપના પગલે ચીનમાં પણ 2 લોકો ઘાયલ થયા છે. હાલ દરેક ઠેકાણે રેસ્ક્યુ ઑપરેશન ચલાવવામાં આવી રહ્યાં છે.
બીજી તરફ, ભારત પણ દર વખતની જેમ મ્યાનમારની પણ વ્હારે આવ્યું છે. PM મોદીએ પોસ્ટ કરતાં લખ્યું છે કે, “મને મ્યાનમાર અને થાઈલેન્ડમાં ભૂકંપ પછીની પરિસ્થિતિ વિશે ચિંતા છે. હું દરેકની સલામતી અને સુખાકારી માટે પ્રાર્થના કરું છું.”
Concerned by the situation in the wake of the Earthquake in Myanmar and Thailand. Praying for the safety and wellbeing of everyone. India stands ready to offer all possible assistance. In this regard, asked our authorities to be on standby. Also asked the MEA to remain in touch…
— Narendra Modi (@narendramodi) March 28, 2025
તેમણે લખ્યું હતું કે, “ભારત શક્ય તમામ મદદ પૂરી પાડવા તૈયાર છે. આ સંદર્ભમાં, અમે અમારા અધિકારીઓને તૈયાર રહેવા કહ્યું છે. ઉપરાંત, વિદેશ મંત્રાલયને મ્યાનમાર અને થાઇલેન્ડની સરકારો સાથે સંપર્કમાં રહેવા માટે કહેવામાં આવ્યું છે.”
