PM નરેન્દ્ર મોદીએ મંગળવારે (15 ઑક્ટોબરે) નવી દિલ્હીના પ્રગતિ મેદાન ખાતે ઈન્ડિયા મોબાઈલ કોંગ્રેસ- 2024ની (IMC-24) આઠમી એડિશનનું ઉદ્ઘાટન કર્યું હતું. તેમાં ભારતમાં 6G ડેવલપમેન્ટ પર અપડેટ્સ રજૂ થાય તેવી અપેક્ષા છે. આ કાર્યક્રમ 18 ઑક્ટોબર સુધી યોજાશે.
‘ધ ફ્યુચર ઈઝ નાઉ’ થીમ સાથે આયોજિત આ ઈવેન્ટમાં ક્લાઉડ અને એજ કમ્પ્યુટિંગ, IoT, સેમિકન્ડક્ટર, સાયબર સિક્યોરિટી, ગ્રીન ટેક, સેટકોમ અને ઈલેક્ટ્રોનિક્સ સંબંધિત ઘોષણાઓ ઉપરાંત 5Gના યૂઝ કેસ પણ શોકેસ કરાય તેવી સંભાવના છે.
આ ટેક ઈવેન્ટમાં વિશ્વના 120થી વધુ દેશો ભાગ લઈ રહ્યા છે. IMC 2024ના એક્ઝિબિશનમાં PM મોદીને ટેક ઇનોવેશન્સ બતાવવામાં આવ્યા હતા. આ સાથે વડાપ્રધાને ‘વર્લ્ડ ટેલિકોમ્યુનિકેશન સ્ટાન્ડર્ડાઇઝેશન એસેમ્બલી (WTSA ) 2024નું પણ ઉદ્ઘાટન કર્યું હતું. તેમણે આ દરમિયાન કહ્યું હતું કે, ભારતનું મિશન દુનિયાને જોડવાનું છે.
