વડાપ્રધાન નરેન્દ્ર મોદી ફરી વિદેશ પ્રવાસે રવાના થયા છે. આ વખતે તેઓ આફ્રિકી દેશોની મુલાકાત લેશે.
તેઓ 16થી 21 નવેમ્બર સુધી વિદેશ પ્રવાસ પર હશે, જે દરમિયાન તેઓ નાઈજીરિયા, બ્રાઝિલ અને ગુયાનાની મુલાકાત લેશે.
18-19 નવેમ્બર દરમિયાન બ્રાઝિલમાં આ વર્ષની G20 સમિટ પણ યોજાવા માટે જઈ રહી છે, જેમાં પીએમ મોદી સામેલ થશે. અહીં તેઓ અનેક દેશોના વડા સાથે દ્વિપક્ષીય બેઠકો પણ કરશે.
#WATCH | Delhi: Prime Minister Narendra Modi emplanes for Nigeria
— ANI (@ANI) November 16, 2024
PM Modi will be on a five-day visit to Nigeria, Brazil and Guyana.
(Source: DD News) pic.twitter.com/TIO65h3nWx
પીએમ મોદી દ્વિતીય ભારત-કેરિકોમ સમિટમાં પણ ભાગ લેશે. ઉપરાંત, ત્રણેય દેશોની મુલાકાત દરમિયાન ત્યાં રહેતા ભારતીય સમુદાય સાથે પણ મુલાકાત કરશે.
ઉલ્લેખનીય છે કે ઉત્તર અમેરિકન ટાપુ દેશ ડોમિનિકાએ તાજેતરમાં જ પીએમ મોદીને પોતાના સર્વોચ્ચ સન્માન પુરસ્કારથી સન્માનિત કરવા માટેની ઘોષણા કરી હતી. આ પુરસ્કાર તેમને ડોમિનિકાના રાષ્ટ્રપતિના હસ્તે આ સમિટ દરમિયાન જ એનાયત કરવામાં આવશે.
નાઇજીરીયામાં પીએમ મોદીની આ પ્રથમ મુલાકાત હશે. જ્યારે ગુયાનામાં પણ 50 વર્ષ બાદ કોઈ ભારતીય વડાપ્રધાન જઈ રહ્યા છે.
