પીએમ મોદી (PM Modi) G7 સમિટમાં ભાગ લેવા માટે કેનેડા (Canada) પહોંચી ગયા છે. ઇઝરાયેલ અને ઈરાન વચ્ચેના સંઘર્ષની અસર પણ બેઠકમાં થઈ રહી હોવાનું સામે આવ્યું છે. કારણ કે, યુએસ રાષ્ટ્રપતિ (US President) ડોનાલ્ડ ટ્રમ્પ (Donald Trump) સમિટ અધવચ્ચે છોડીને અમેરિકા માટે રવાના થઈ ગયા છે. બીજી તરફ પીએમ મોદી વિશ્વના વિવિધ નેતાઓ સાથે પણ મુલાકાત કરવાના છે.
પીએમ મોદીએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું છે કે, તેઓ કેનેડા પહોંચી ગયા છે. તેમણે લખ્યું કે, “G7 શિખર સંમેલનમાં ભાગ લેવા માટે કેનેડાના કેલગરી પહોંચ્યો છું. શિખર સંમેલનમાં વિભિન્ન નેતાઓ સાથે મુલાકાત કરીશ અને મહત્વપૂર્વ વૈશ્વિક મુદ્દો પર પોતાના વિચાર રજૂ કરીશ. ગ્લોબલ સાઉથની પ્રાથમિકતા પર પણ ભાર આપવામાં આવશે.”
Landed in Calgary, Canada, to take part in the G7 Summit. Will be meeting various leaders at the Summit and sharing my thoughts on important global issues. Will also be emphasising the priorities of the Global South. pic.twitter.com/GJegQPilXe
— Narendra Modi (@narendramodi) June 17, 2025
વધુમાં G7 સમિટનું સંયુક્ત નિવેદન પણ સામે આવ્યું છે. જેમાં ઇઝરાયેલનું સમર્થન કરવા પર ભાર આપવામાં આવ્યો છે. ન્યૂઝ એજન્સી એસોસિએટડ પ્રેસ અનુસાર, G7 સમિટ દરમિયાન જૂથના સભ્યોએ ફરી એક વખત કહ્યું છે કે, ઇઝરાયેલને આત્મરક્ષાનો અધિકાર છે. તેમણે ઇઝરાયેલની સુરક્ષા માટે તેમના સમર્થનની પુષ્ટિ કરી છે.
