પહેલગામમાં થયેલા ભયાનક આતંકવાદી હુમલા (Pahalgam Terror Attack) બાદ, જ્યાં 26 હિંદુઓની હત્યા કરવામાં આવી હતી, ભારતે ટૂંકા ગાળાના વિઝા (Short Term Visa) પર રહેલા તમામ પાકિસ્તાનીઓને (Pakistani) તાત્કાલિક દેશ છોડી દેવા કહ્યું છે. ઉલ્લેખનીય છે કે, આ હુમલો પાકિસ્તાન સમર્થિત ઈસ્લામિક આતંકવાદીઓ દ્વારા કરવામાં આવ્યો હતો.
#TheBreakfastShow with @radhika1705 | Pakistani Nationals Failing To Leave India Face 3 Years Jail Term, Rs 3 Lakh Fine @Gurpreet_Chhina reports pic.twitter.com/73MOBImu9w
— NDTV (@ndtv) April 28, 2025
આતંકવાદી હુમલા બાદ, ભારતે પ્રતિક્રિયા આપવા માટે એક પછી એક રાજદ્વારી પગલાં લીધાં, જેમાં સિંધુ જળ સંધિ પર પ્રતિબંધ મૂકવાનો સમાવેશ થાય છે. વધુમાં, કેન્દ્રએ ભારતમાં ટૂંકા ગાળાના વિઝા પર રહેલા તમામ પાકિસ્તાની નાગરિકોને ‘ભારત છોડો’ નોટિસ જારી કરી, જેમાં કહેવામાં આવ્યું કે તેમણે 27 એપ્રિલ સુધીમાં દેશ છોડી દેવો પડશે. મેડિકલ વિઝા પર રહેલા લોકોએ 29 એપ્રિલ સુધીમાં દેશ છોડવો જરૂરી છે.
ઇમિગ્રેશન અને વિદેશી બિલ, 2025ની કલમ 23 હેઠળ, જે વિદેશી નાગરિકો તેમના વિઝાની મુદત પૂરી કરી લે છે, વિઝાની શરતોનું ઉલ્લંઘન કરે છે અથવા ભારતમાં પ્રતિબંધિત વિસ્તારોમાં પ્રવેશ કરે છે તેમને 3 વર્ષ સુધીની જેલ અથવા મહત્તમ ₹3 લાખ દંડ અથવા બંનેનો સામનો કરવો પડી શકે છે.
પાકિસ્તાન સમર્થિત આતંકવાદી સંગઠન ‘ધ રેઝિસ્ટન્ટ ફ્રન્ટ’ એ આતંકવાદી હુમલાની જવાબદારી લીધી હતી. જોકે, ભારતના કડક પ્રતિભાવ બાદ, તેમણે વળતો વળાંક લીધો હતો અને કહ્યું હતું કે તેમનો તેની સાથે કોઈ સંબંધ નથી.
આતંકવાદી હુમલા પછી છેલ્લા ત્રણ દિવસમાં વાઘા-અટારી બોર્ડર દ્વારા ભારત છોડીને 509 પાકિસ્તાની નાગરિકો ગયા છે, જેમાં નવ રાજદ્વારીઓ અને અધિકારીઓનો સમાવેશ થાય છે.
