ઑપરેશન સિંદૂર (Operation Sindoor) દરમિયાન, પાકિસ્તાને ભારતના ફાઇટર પ્લેન રાફેલને (jet Rafale) તોડી પાડવાનો દાવો કર્યો હતો. હવે ફ્રેન્ચ એરક્રાફ્ટ મેન્યુફેક્ચરિંગ કંપની ડસોલ્ટના (Dassault) ચેરમેન અને સીઈઓ એરિક ટ્રેપિયરે આ દાવા પર ટિપ્પણી કરી છે. તેમણે તેને ‘ખોટો’ ગણાવ્યો છે.
હકીકતમાં, ફ્રેન્ચ મેગેઝિન ચેલેન્જીસ સાથેના એક ઇન્ટરવ્યુ દરમિયાન, ટ્રેપિયરે કહ્યું હતું કે ભારત સરકારે ઑપરેશન સિંદૂરમાં રાફેલના નુકસાન વિશે કોઈ સત્તાવાર માહિતી આપી ન હતી, પરંતુ પાકિસ્તાનનો ત્રણ રાફેલ તોડી પાડવાનો દાવો સંપૂર્ણપણે ખોટો હતો.
#French MEDIA : CEO of #DassaultAviation Eric Trappier officially rejects #Pakistani propaganda of shooting down 3 #Rafale fighters of IAF last month. Trappier says that only one #Rafale went down last month and Dassault is not sure if it was due to combat or non-combat reason. pic.twitter.com/0U5hBKrH4y
— IDU (@defencealerts) June 14, 2025
ટ્રેપિયરે ભાર મૂક્યો હતો કે આધુનિક યુદ્ધ કામગીરીનું પરિણામ ફક્ત વિમાનને તોડી પાડવા સુધી મર્યાદિત ન હોવું જોઈએ. તેમણે કહ્યું કે તે ફક્ત તેના પર નિર્ભર રહેવું જોઈએ કે મિશનનો ઉદ્દેશ્ય પૂર્ણ થયો કે નહીં. ટ્રેપિયરે ભારત-પાકિસ્તાન તણાવની તુલના ઐતિહાસિક યુદ્ધ સાથે કરી હતી.
તેમણે કહ્યું, “બીજા વિશ્વયુદ્ધ દરમિયાન, સાથી રાષ્ટ્રએ પણ સૈનિકો ગુમાવ્યા. પરંતુ આનો અર્થ એ નથી કે તેઓ યુદ્ધ હારી ગયા.” આ ઉપરાંત, ટ્રેપિયરે રાફેલની તાકાતની પણ પ્રશંસા કરી અને તેના વિશે વિગતવાર માહિતી આપી.
