ગુજરાતના દરિયામાંથી વધુ એક વખત મોટી માત્રામાં ડ્રગ્સ ઝડપાયું હોવાનું સામે આવ્યું છે. જાણવા મળી રહ્યું છે કે, ગુજરાત ATS અને ભારતીય કોસ્ટ ગાર્ડે (ICG) સંયુક્ત ઑપરેશન પાર પાડીને કુલ ₹1800 કરોડનું 300 કિલોગ્રામ ડ્રગ્સ ઝડપી પાડ્યું છે. ઑપરેશન હેઠળ આખેઆખી બોટ જ જપ્ત કરી લેવામાં આવી છે. આંતરરાષ્ટ્રીય બજારની કિંમતોના આધારે આ એક મોટી ડ્રગ્સ જપ્તી કાર્યવાહી ગણવામાં આવી રહી છે.
પોરબંદરથી 190 કિલોમીટર દૂર દરિયામાં આ ઑપરેશન હાથ ધરાયું હતું. કોસ્ટ ગાર્ડની શિપને જોઈને પાકિસ્તાની બોટના ચાલકો MD ડ્રગ્સને દરિયાના પાણીમાં ફેંકીને ભાગી ગયા હતા. જે બાદ કોસ્ટ ગાર્ડે પાણીમાંથી ડ્રગ્સનો જથ્થો બહાર કાઢ્યો હતો. આ ઑપરેશન 12-13 એપ્રિલના રોજ હાથ ધરાયું હતું અને ગુજરાત ATS પણ તેમાં સહભાગી હતી.
@IndiaCoastGuard, in a joint operation with #Gujarat #ATS on the night of 12-13 Apr 25, seized 300 Kg narcotics worth Rs 1800 Cr off #IMBL near #Gujarat coast. On spotting #ICG ship, smugglers dumped contraband & fled across #IMBL. Consignment recovered at sea & handed to #ATS… pic.twitter.com/sxy7CG89Vq
— Indian Coast Guard (@IndiaCoastGuard) April 14, 2025
મોડી રાત સુધી કોસ્ટ ગાર્ડ અને ATSનું આ ઑપરેશન ચાલ્યું હતું. કોસ્ટ ગાર્ડની સ્પીડ બોટ અને જહાજોએ શંકાસ્પદ બોટને ઘેરી લીધી હતી અને ત્યારબાદ તેને પકડી લીધી હતી. ગુજરાત અને મહારાષ્ટ્ર વચ્ચેના દરિયાઈ વિસ્તારમાં આંતરરાષ્ટ્રીય દરિયાઈ સીમા રેખા (IMBL) નજીક 13 એપ્રિલની રાત્રે બોટને અટકાવવામાં આવી હતી.
Commendable joint operation by Gujarat ATS and Indian Coast Guard! On the night of April 12-13, 2025, they seized 300 kg of narcotics worth Rs 1800 crore off the IMBL near the Gujarat coast. The consignment was recovered at sea, and ATS is conducting further investigation. This… pic.twitter.com/mqq0Xgmawg
— Harsh Sanghavi (@sanghaviharsh) April 14, 2025
નોંધનીય છે કે, આ પહેલાં ફેબ્રુઆરી, 2024માં પોરબંદરના દરિયામાંથી દેશનો હમણાં સુધીનો સૌથી મોટો ડ્રગ્સનો જથ્થો ઝડપી પાડવામાં આવ્યો હતો. ગુજરાત ATS, ઇન્ડિયન નેવી અને NCBએ સંયુકત ઓપરેશન હાથ ધરીને પોરબંદરના સમુદ્રમાંથી આંતરરાષ્ટ્રીય સરહદ નજીક અત્યાર સુધીનો સૌથી મોટો 3300 કિલો ડ્રગ્સનો જથ્થો ઝડપી પાડવામાં આવ્યો હતો.
