તાજેતરમાં મીડિયામાં પ્રસારિત એક સમાચારમાં દાવો કરવામાં આવ્યો હતો કે મહારાષ્ટ્રની (Maharashtra) નવી મહાયુતિ સરકારે રાજ્યના વકફ બોર્ડને (Waqf Board) ₹10 કરોડની ગ્રાન્ટ ફાળવી છે. જે આદેશ હવે પરત લઈ લેવામાં આવ્યો છે.
ભારતીય જનતા પાર્ટી મહારાષ્ટ્રના અધિકારિક X હેન્ડલ પરથી એક પોસ્ટ કરીને જણાવવામાં આવ્યું કે, ‘વક્ફ બોર્ડને ₹10 કરોડ ફાળવવાનો પ્રશાસનનો GR રદ.’
वक्फ बोर्डाला १० कोटी रुपये देण्याबद्दल प्रशासनाने काढलेला GR रद्द🚩
— भाजपा महाराष्ट्र (@BJP4Maharashtra) November 29, 2024
भाजपा-महायुती सरकारने महाराष्ट्र वक्फ बोर्डाला तातडीने १० कोटींचा निधी दिल्याच्या खोट्या बातम्या प्रसिध्द होत आहेत. हा चुकीचा निर्णय प्रशासकीय पातळीवरील अधिकाऱ्यांनी परस्पर घेतला होता. मात्र भाजप नेत्यांच्या… pic.twitter.com/ZlF1XWBQZm
આગળ પાર્ટીએ જણાવ્યું કે, “એવા સમાચાર ફેલાવવામાં આવી રહ્યા છે કે ભાજપ-મહાયુતિ સરકારે મહારાષ્ટ્ર વક્ફ બોર્ડને તાત્કાલિક અસરથી ₹10 કરોડ રૂપિયાનું ભંડોળ ફાળવ્યું છે. પ્રશાસનિક સ્તરે અધિકારીઓએ અંદરોઅંદર ચર્ચા કરીને આ ખોટો નિર્ણય લઈ લીધો હતો, પરંતુ ભાજપ નેતાઓના કડક વિરોધ બાદ હવે નિર્ણય રદ કરી દેવામાં આવ્યો છે.”
આગળ જણાવવામાં આવ્યું કે, વક્ફ બોર્ડનું ભારતના બંધારણમાં કોઈ સ્થાન ન હોવું જોઈએ, એ ભાજપનું સ્ટેન્ડ છે અને અમે સ્ટેન્ડ પર અડગ છીએ.
બીજી તરફ, આજતકના રિપોર્ટ અનુસાર, મુખ્ય સચિવ સુજિતા સૌનિકે GR પરત લેવાના નિર્ણયની પુષ્ટિ કરી છે. તેમણે જણાવ્યું કે, GR યોગ્ય તપાસ વગર ભૂલથી જાહેર કરી દેવામાં આવ્યો હતો.
