કાયમ વિવાદિત નિવેદનો આપીને ચર્ચામાં રહેતા રાહુલ ગાંધીના ‘અંકલ’ સેમ પિત્રોડા હવે નવી સમસ્યામાં ફસાયા છે. જાણવા મળી રહ્યું છે કે, તેમના વિરુદ્ધ જમીન લૂંટનો આરોપ સામે આવ્યો છે. ભાજપના એક નેતાએ તેમના વિરુદ્ધ ફરિયાદ દાખલ કરી છે અને આરોપ લગાવ્યો છે કે, પિત્રોડાએ ગેરકાયદેસર રીતે કરોડોની જમીન પર કબજો કરી લીધો છે.
માહિતી અનુસાર, ભાજપના નેતા એન. રમેશે લોકાયુક્ત અને EDમાં ફરિયાદ દાખલ કરી છે અને આરોપ લગાવ્યો છે કે, કોંગ્રેસના સેમ પિત્રોડાએ કર્ણાટકમાં ₹150 કરોડની જમીન પર ગેરકાયદેસર રીતે કબજો કર્યો છે. વધુમાં એવો આરોપ પણ છે કે, તે જમીન રાજ્યના વન વિભાગ હેઠળ આવે છે.
'Land Loot' Charge Against Sam Pitroda
— TIMES NOW (@TimesNow) February 24, 2025
A BJP leader has filed a complaint with the Lokayukta and ED, alleging that Congress' Sam Pitroda illegally occupied land worth 150 crore rupees in Karnataka, which belongs to the state's forest department.@dpkBopanna shares more details… pic.twitter.com/DWLArzEm5h
નોંધવા જેવું છે કે, આ પહેલાં પણ સેમ પિત્રોડા અનેક વિવાદોમાં ફસાયા હતા. તાજેતરમાં જ તેમણે કહ્યું હતું કે, ‘ચીન આપણો શત્રુ નથી, તેને શત્રુ ન સમજવો જોઈએ.’ તે પહેલાં દેશમાં રંગભેદને લઈને પણ વિવાદ ઊભો કર્યો હતો. જોકે, કોંગ્રેસ પણ તેમના નિવેદનોને લઈને હાથ અધ્ધર કરી નાખે છે. ત્યારે હવે નવા આરોપો મામલે પણ તેમના વિરુદ્ધ કાર્યવાહી થઈ શકે છે.
