ગયા મહિને, ચીનથી (China) પાકિસ્તાનને (Pakistan) J-35A વિમાનોના મોટા જથ્થાની ડિલિવરી અંગેના સમાચાર બહાર આવ્યા હતા. એવો પણ દાવો કરવામાં આવ્યો હતો કે પાકિસ્તાનને ઓગસ્ટ 2025 સુધીમાં સ્ટીલ્થ ફાઇટર એરક્રાફ્ટનો પહેલો જથ્થો મળી જશે. પરંતુ હવે પાકિસ્તાનના સંરક્ષણ પ્રધાન દ્વારા આ અહેવાલોને નકારી કાઢવામાં આવ્યા છે.
Pak Def Min Khawaja Asif denies the report of China delivering J-35A stealth Fighter Jets to Pakistan
— OsintTV 📺 (@OsintTV) June 26, 2025
Host : What about the J-35A fighter jets, are they going to be delivered by 2026 ?
Khawaja Asif: I think it's only in the media, you know… it's good for sales Chinese… pic.twitter.com/anwYVu32QX
અરબ ન્યૂઝ સાથેની એક મુલાકાત દરમિયાન, પાકિસ્તાનના સંરક્ષણ પ્રધાન ખ્વાજા આસિફે આ મીડિયા અહેવાલોના દાવાઓને ફગાવી દીધા છે. સંરક્ષણ પ્રધાને કહ્યું કે આ અહેવાલો ફક્ત ચીનના વેચાણમાં વધારો કરવા માટે સારા સમાચાર છે. તેમણે કહ્યું, “મને લાગે છે કે તે ફક્ત મીડિયામાં છે, તમે જાણો છો. આ ફક્ત ચીનના સંરક્ષણ વેચાણ માટે સારા સમાચાર છે.”
ઉલ્લેખનીય છે કે ભારત-પાકિસ્તાન વિવાદ પછી, મીડિયામાં એવા અહેવાલો આવ્યા હતા કે ચીન પાકિસ્તાનને J-35A જેટની ડિલિવરી ઝડપી બનાવી રહ્યું છે. એવો પણ દાવો કરવામાં આવ્યો હતો કે પાકિસ્તાન આ જેટનો પ્રથમ ગ્રાહક હશે. જોકે, તાજેતરના અહેવાલોમાં જાણવા મળ્યું છે કે પાકિસ્તાન પહેલા, ઇજિપ્ત, અલ્જેરિયા અને સાઉદી અરેબિયાએ પણ આ જેટનો ઓર્ડર આપ્યો છે.
