ઝારખંડ વિધાનસભા ચૂંટણી માટે ભાજપે ઉમેદવારોની પહેલી યાદી જાહેર કરી છે. જેમાં કુલ 66 નામો છે. જેમાંથી 11 મહિલાઓ છે.
યાદીમાં ઝારખંડના પૂર્વ મુખ્યમંત્રી અને JMMમાંથી તાજેતરમાં જ ભાજપમાં સામેલ થયેલા ચંપાઈ સોરેનનું પણ નામ છે. તેઓ પોતાની પરંપરાગત સરાઈકેલા બેઠક પરથી જ લડશે. તેમના પુત્ર બાબુલાલ સોરેનને પણ ટિકિટ આપવામાં આવી છે.
भाजपा की केंद्रीय चुनाव समिति ने आगामी झारखण्ड विधानसभा चुनाव के लिए निम्नलिखित नामों पर अपनी स्वीकृति प्रदान की है। (1/2) pic.twitter.com/UarNaYsOel
— BJP (@BJP4India) October 19, 2024
પૂર્વ સીએમ રઘુબર દાસની વહુ પૂર્ણિમા સાહુને જમશેદપુર પૂર્વ બેઠક પરથી ટિકિટ આપવામાં આવી છે. જ્યારે અર્જુન મુંડાની પત્નીને પણ ટિકિટ અપાઈ છે.
ભાજપ પ્રદેશ અધ્યક્ષ અને પૂર્વ સીએમ બાબુલાલ મરાંડી પણ ચૂંટણી લડશે. તેઓ ધનવારથી પાર્ટીના ઉમેદવાર હશે.
ભાજપ ઝારખંડમાં કુલ 68 બેઠકો પર લડી રહ્યો છે. જેમાંથી 66 બેઠકો પર ઉમેદવારો જાહેર કરી દેવામાં આવ્યા છે, જેથી બે જ બેઠકો પર ઘોષણા હવે બાકી રહી છે.
ઝારખંડમાં કુલ 81 બેઠકો પર વિધાનસભા ચૂંટણી બે તબક્કામાં યોજાશે. પહેલો તબક્કો 13 નવેમ્બરે અને 20 નવેમ્બરે અંતિમ ચરણનું મતદાન થશે. પરિણામો 23 નવેમ્બરના રોજ ઘોષિત કરાશે.
