ઇઝરાયેલે (Israel) 6 મે, 2025ના રોજ યમનમાં હૂતી (Houthi) વિદ્રોહીઓ સામે હવાઈ હુમલા કર્યા. આ કાર્યવાહી ઇઝરાયેલના વડાપ્રધાન બેન્જામિન નેતન્યાહુના (Benjamin Netanyahu) નેતૃત્વ હેઠળ થઈ, જેમાં હૂતીઓના લશ્કરી ઠેકાણાઓને નિશાન બનાવવામાં આવ્યા. આ હુમલા હૂતીઓ દ્વારા ઇઝરાયેલ પર કરવામાં આવેલા ડ્રોન અને મિસાઈલ હુમલાઓના જવાબમાં હોવાનું માનવામાં આવે છે.
આજતકના અહેવાલ મુજબ, ઇઝરાયેલી વાયુસેનાએ યમનના ત્રણ મુખ્ય વિસ્તારો અલ-હુદૈદાહ, સના અને સાદામાં કુલ પાંચ હવાઈ હુમલા કર્યા. અલ-હુદૈદામાં હૂતીઓના હથિયાર ડેપો અને ડ્રોન પ્રોડક્શન સેન્ટર, સનામાં કમાન્ડ સેન્ટર અને સાદામાં મિસાઈલ લોન્ચિંગ સ્થળોને નિશાન બનાવવામાં આવ્યા.
⭕️IAF fighter jets struck Houthi terror targets, along Yemen's coastline.
— Israel Defense Forces (@IDF) May 5, 2025
The strike was conducted in response to the repeated attacks by the Houthis against Israel, during which surface-to-surface missiles and UAVs were launched toward Israeli civilians.
The terrorist… pic.twitter.com/RSihcuin0Q
અહેવાલ મુજબ ઇઝરાયલી સેનાના જણાવ્યા અનુસાર, લગભગ 20 ફાઇટર જેટ્સે યમનના દરિયાકાંઠાના વિસ્તારમાં હુતી બંદરને નિશાન બનાવ્યું છે. ઇઝરાયલી સેનાએ જેટ વિમાનોનો ઉપયોગ કરીને હૂતી ઠેકાણાઓ પર 50 વધુ બોમ્બ ફેંક્યા છે.
આ મામલે ઇઝરાયેલ ડિફેન્સ ફોર્સે પોસ્ટ કરીને માહિતી આપતા લખ્યું હતું કે, “યમનના દરિયાકાંઠે હૂતી આતંકવાદી સ્થળો પર IAF લડાકુ વિમાનોએ હુમલો કર્યો. હૂતી દ્વારા ઇઝરાયલ પર વારંવાર કરવામાં આવતા હુમલાઓના જવાબમાં આ હુમલો કરવામાં આવ્યો હતો, જે દરમિયાન ઇઝરાયલી નાગરિકો પર જમીનથી જમીન પર પ્રહાર કરતી મિસાઇલો અને UAV છોડવામાં આવ્યા હતા.”
