ઇઝરાયેલ અને ઈરાન વચ્ચે ચાલી રહેલા સંઘર્ષમાં રવિવારે (22 જૂન) ઇઝરાયેલે પશ્ચિમ ઈરાન સ્થિત ઈરાની સુરક્ષાદળોનાં ઠેકાણાંને નિશાન બનાવ્યાં. ઇઝરાયેલી સશસ્ત્ર બળોના (IDF) સત્તાવાર X એકાઉન્ટ પરથી આ જાણકારી આપવામાં આવી છે. પોસ્ટમાં IDFએ જણાવ્યું તેમણે ઈરાનની સેના દ્વારા ઇઝરાયેલ પર હુમલો કરવા માટે તૈયાર કરવામાં આવી રહેલાં મિસાઈલ લૉન્ચરો ટાર્ગેટ કર્યાં, જેમાં મોટાભાગના નાશ પામ્યાં છે.
𝗧𝗵𝗲 𝗜𝗔𝗙 𝗵𝗮𝘀 𝗯𝗲𝗴𝘂𝗻 𝗮 𝘀𝗲𝗿𝗶𝗲𝘀 𝗼𝗳 𝘀𝘁𝗿𝗶𝗸𝗲𝘀 𝘁𝗼𝘄𝗮𝗿𝗱 𝗺𝗶𝗹𝗶𝘁𝗮𝗿𝘆 𝘁𝗮𝗿𝗴𝗲𝘁𝘀 𝗶𝗻 𝘄𝗲𝘀𝘁𝗲𝗿𝗻 𝗜𝗿𝗮𝗻.
— Israel Defense Forces (@IDF) June 22, 2025
Additionally, this morning, the IAF struck missile launchers ready to launch toward Israeli territory, soldiers in the Iranian Armed…
અન્ય એક પોસ્ટમાં ઈઝરાયેલી સુરક્ષાદળોએ છેલ્લા 24 કલાકમાં શું-શું કર્યું તેની માહિતી આપતાં લખ્યું કે, ઈરાનના દેઝફુલ એરપોર્ટ પર ઈરાની સશસ્ત્ર દળોનાં બે F-5 ફાઇટર જેટ્સ પર હુમલો કર્યો હતો. ત્યારબાદ IDFએ ઈરાન દ્વારા હુમલા માટે તૈયાર કરાયેલાં 8 મિસાઈલ લોન્ચર્સને નિષ્ક્રિય કર્યાં હતાં. જેમાં 6 એવાં લૉન્ચર્સ હતાં, જે ઇરાને ઇઝરાયલ તરફ તાત્કાલિક લોન્ચ માટે રાખ્યાં હતાં.
આ ઉપરાંત ઇઝરાયેલે 20થી વધુ IAF ફાઇટર જેટ્સ મોકલી ઈરાનમાં ડઝનથી વધુ લશ્કરી ઠેકાણાં પર હુમલો કર્યો હતો. ઈઝરાયેલે જણાવ્યું કે, આ ઠેકાણાં પર ઈરાન યુદ્ધ માટે વિસ્ફોટક સામગ્રી બનાવી રહ્યું હતું. ઈઝરાયેલે દાવો કર્યો છે કે તેઓએ ઈસ્ફહાન એરપોર્ટ પર આવેલા સૈન્ય ઠેકાણા ઉપર પણ હુમલો કર્યો છે, જેથી ઈરાની વાયુસેના ઇઝરાયેલ પર હુમલા માટે તેનો ઉપયોગ ન કરી શકે. આ સાથે જ પોસ્ટમાં ઇઝરાયેલે એર સ્ટ્રાઈકની કાર્યવાહીનો વિડીયો પણ શેર કર્યો છે.
24 HR RECAP:
— Israel Defense Forces (@IDF) June 22, 2025
🎯2 F-5 fighter jets belonging to the Iranian Armed Forces at the Dezful Airport in Iran struck
❌8 launchers neutralized, including six that were ready for immediate launch toward Israel
✈️20+ IAF fighter jets struck dozens of military targets in Iran… pic.twitter.com/uRqFxiFEUi
