ઇઝરાયેલ (Israel) તેના નાગરિકોને છોડાવવા માટે પૂર જોશમાં પ્રયત્ન કરી રહ્યું છે. યુદ્ધવિરામ પૂર્ણ થયા પછીથી જ તેણે ગાઝા (Gaza Strip) પર હુમલો કરી દીધો હતો. તાજેતરમાં દક્ષિણ ગાઝાની સૌથી મોટી હોસ્પિટલ નાસ્સેર હોસ્પિટલમાં હમાસનો એક આતંકી સંતાયો હોવાની ખબર મળતા જ ઇઝરાયલે ત્યાં હુમલો (Attack on Nasser Hospital) કરીને તેને મોતને ઘાટ ઉતાર્યો છે.
અહેવાલ અનુસાર ગાઝા આરોગ્ય મંત્રાલયે જણાવ્યું હતું કે આ હુમલાને કારણે હોસ્પિટલના સર્જિકલ બિલ્ડિંગમાં આગ લાગી હતી, જેમાં ઘણા લોકો ઘાયલ થયા હતા. આ ઉપરાંત આ હુમલામાં હમાસ પોલિટબ્યુરો સભ્ય ઇસ્માઇલ બરહૌમનું (Ismail Barhoum Death) મોત થયું હોવાનું પણ સામે આવ્યું હતું.
⭕️A key Hamas terrorist who was operating from within the Nasser Hospital compound in Gaza was precisely struck.
— Israel Defense Forces (@IDF) March 23, 2025
The strike was conducted following an extensive intelligence-gathering process and with precise munitions in order to mitigate harm to the surrounding environment as… pic.twitter.com/C3pZqlC6NO
ઇઝરાયલની સેનાએ આ હુમલાનો સ્વીકાર કર્યો હતો અને દાવો કર્યો હતો કે તેણે હોસ્પિટલમાંથી કાર્યરત હમાસના આતંકવાદીઓને નિશાન બનાવ્યા હતા. જોકે, હમાસે દાવો કર્યો હતો કે બરહૌમ ખાન આ હોસ્પિટલમાં સારવાર લઈ રહ્યો હતો.
અહેવાલ અનુસાર ઇઝરાયેલે ગત અઠવાડિયે જે હવાઈ હુમલા કર્યા હતા તેમાં ઇસ્માઇલ ઘાયલ થયો હતો અને આ હોસ્પિટલમાં ભરતી થયો હતો. ઇઝરાયલી સૈન્યએ જણાવ્યું હતું કે તેણે ગુપ્ત માહિતીના આધારે હોસ્પિટલ કમ્પાઉન્ડમાં કાર્યરત હમાસના એક અગ્રણી સભ્ય પર હુમલો કર્યો હતો.
