સીરિયાના હાસાકાહ (Hasakah) પ્રાંતમાં એક અમેરિકી મિલિટ્રી બેસ (US military base in Syria) પર હુમલો કરવામાં આવ્યો હોવાના અહેવાલ છે, જે મધ્ય પૂર્વમાં સંઘર્ષમાં ખતરનાક વધારો દર્શાવે છે. ઈરાનની (Iran) અંદર ત્રણ પરમાણુ સ્થાપનો પર યુએસના હુમલા પછી આ ઘટના બની છે.
ઈરાનના રાજ્ય મીડિયા આઉટલેટ મેહર ન્યૂઝ અનુસાર, યુએસ બેઝ પર મોર્ટાર હુમલાથી સમગ્ર પ્રદેશમાં વ્યાપક સંઘર્ષ ફેલાશે તેવી ચિંતા વધી છે. સંભવતઃ રાષ્ટ્રપતિ ડોનાલ્ડ ટ્રમ્પ દ્વારા અધિકૃત હુમલાઓનો બદલો લેવા માટે ઈરાન સમર્થિત પ્રોક્સી સેના પર આ હુમલો કરવાનો આરોપ છે. ઈરાને અગાઉ ધમકી આપી હતી કે જો વોશિંગ્ટન તેના લશ્કરી અભિયાનને વધારશે તો તે પ્રદેશમાં યુએસ મથકોને “કાયદેસર લક્ષ્યો” બનાવશે.
જેરુસલેમ પોસ્ટના અહેવાલ મુજબ 23 જૂનના રોજ, ઇઝરાયલી હુમલાઓમાં તેહરાનમાં ઇસ્લામિક રિવોલ્યુશનરી ગાર્ડ કોર્પ્સના (IRGC) સેંકડો સભ્યો માર્યા ગયા હતા. યહૂદી રાજ્યએ હુમલા દરમિયાન તેહરાનમાં ઘણા લક્ષ્યો પર હુમલો કર્યો, જેમાં એવિન જેલ અને બાસીજ મુખ્યાલયનો સમાવેશ થાય છે.
