અમેરિકામાં (America) ફાયરિંગની (Firing) ઘટના બનવા પામી હોવાનું સામે આવી રહ્યું છે. 11 નવેમ્બરના રોજ વહેલી સવારે અલાબામાની ટસ્કેગી યુનિવર્સિટીમાં આડેધડ ગોળીબાર થયો હોવાનું સામે આવ્યું છે. આ ગોળીબારની ઘટનામાં એક વ્યક્તિનું મોત થયું છે, જ્યારે અન્ય 16 લોકો ગંભીર રીતે ઘાયલ થયા હોવાનું સામે આવ્યું છે.
પોલીસે જણાવ્યું હતું કે, ગોળીબારમાં મૃત્યુ પામેલો 18 વર્ષીય યુવાન યુનિવર્સિટીનો વિદ્યાર્થી નહોતો, પરંતુ ઘાયલોમાં યુનિવર્સિટીના ઘણાં વિદ્યાર્થીઓ સામેલ છે. હુમલાખોરની ધરપકડ કરી લેવામાં આવી છે. આ ફાયરિંગની ઘટનામાં કુલ 12 લોકો ઘાયલ થયા હતા જ્યારે અન્ય ચાર અફરાતફરીમાં ઘાયલ થયા હતા.
ટસ્કેગી યુનિવર્સિટીએ એક નિવેદનમાં કહ્યું કે, ગોળીબારમાં મૃત્યુ પામેલા વ્યક્તિના માતા-પિતાને જાણ કરી દેવામાં આવી છે. ટસ્કેગી યુનિવર્સિટીના વિદ્યાર્થીઓ સહિત અન્ય કેટલાક લોકો ઘાયલ થયા હતા અને તેઓને ઓપેલિકાના પૂર્વ અલાબામા મેડિકલ સેન્ટર અને મોન્ટગોમેરીની બેપ્ટિસ્ટ સાઉથ હોસ્પિટલમાં સારવાર આપવામાં આવી રહી છે.
