ભારતે પર્થના ઓપ્ટસ સ્ટેડિયમમાં (Perth) રમાયેલી પ્રથમ ટેસ્ટમાં ઓસ્ટ્રેલિયાને 295 રનથી હરાવીને ઐતિહાસિક જીત નોંધાવી હતી. બોર્ડર ગાવસ્કર ટ્રોફીની (Border Gavaskar Trophy) પ્રથમ મેચ જીતવા માટે 534 રનના વિશાળ લક્ષ્યાંકનો પીછો કરતા ઓસ્ટ્રેલિયા ચોથા દિવસે 238 રનમાં ઓલઆઉટ થઈ ગયું હતું. જસપ્રીત બુમરાહને (Jasprit Bumrah) તેના શાનદાર પ્રદર્શન માટે ‘પ્લેયર ઓફ ધ મેચ’ જાહેર કરવામાં આવ્યો હતો.
𝗪𝗛𝗔𝗧. 𝗔. 𝗪𝗜𝗡! 👏 👏
— BCCI (@BCCI) November 25, 2024
A dominating performance by #TeamIndia to seal a 295-run victory in Perth to take a 1-0 lead in the series! 💪 💪
This is India's biggest Test win (by runs) in Australia. 🔝
Scorecard ▶️ https://t.co/gTqS3UPruo#AUSvIND pic.twitter.com/Kx0Hv79dOU
ઓસ્ટ્રેલિયાને આ મેદાન પર પ્રથમ વખત ટેસ્ટ હારનો સામનો કરવો પડ્યો હતો. ભારતીય બેટ્સમેન યશસ્વી જયસ્વાલ (161) અને વિરાટ કોહલી (171)એ જોરદાર ઇનિંગ્સ રમી હતી. બોલિંગમાં બુમરાહ અને મોહમ્મદ સિરાજે 3-3 વિકેટ લીધી હતી જ્યારે વોશિંગ્ટન સુંદરને 2 સફળતા મળી હતી.
આ જીત સાથે ભારતીય ટીમે ટેસ્ટ શ્રેણીમાં (India vs Australia) 1-0ની સરસાઈ મેળવી લીધી છે. આગામી મેચ 6 ડિસેમ્બરથી એડિલેડમાં રમાશે. આ જીત ઓસ્ટ્રેલિયાની ધરતી પર ભારતની અત્યાર સુધીની સૌથી મોટી જીત છે, જેણે ફરી એકવાર ભારતીય ક્રિકેટની ભાવનાને સાબિત કરી છે.
ભારત 150 કે તેથી ઓછા રન બનાવવા છતાં 295 રનથી જીતનારી વિશ્વની બીજી ટીમ બની. વિદેશી ધરતી પર રનના મામલે ભારતની આ ત્રીજી સૌથી મોટી જીત છે.
