તાજેતરમાં ગુજરાતમાં શરૂ કરાયેલ ઑપરેશન ડેલ્ટા હન્ટ અંતર્ગત રાજ્યના વિવિધ ભાગોમાંથી બાંગ્લાદેશી ઘૂસણખોરો વિરુદ્ધ કડક કાર્યવાહી કરવામાં આવી રહી છે. ગુજરાત પોલીસના સત્તાવાર આંકડાઓ અનુસાર 6 જૂનની રાત્રે 8 વાગ્યા સુધીમાં રાજ્યના વિવિધ ભાગોમાંથી કુલ 609 ગેરકાયદેસર બાંગ્લાદેશી નાગરિકોની અટકાયત કરવામાં આવી છે. આ પકડાયેલા લોકોમાં 323 મહિલાઓ, 161 પુરુષો અને 125 બાળકોનો સમાવેશ થાય છે.
સૌથી વધુ 207 લોકોની ધરપકડ અમદાવાદથી કરવામાં આવી છે. આ ઉપરાંત સુરત શહેરમાંથી 120, અમદાવાદ ગ્રામ્યમાંથી 64, ભરૂચ જિલ્લામાંથી 61 અને ખેડા જિલ્લામાંથી 22 લોકોને કસ્ટડીમાં લેવામાં આવ્યા છે. હાલમાં આ તમામ નાગરિકોની કાયદાકીય તપાસ અને આગળની કાર્યવાહી ચાલી રહી છે.
Gujarat: Operation Delta Hunt has led to the arrest of 609 illegal Bangladeshi nationals across the state as of 8 PM on June 6. The detainees include 161 men, 323 women, and 125 children. The highest number of arrests were reported from Ahmedabad city (207), followed by Surat… pic.twitter.com/fCzBgm4olF
— IANS (@ians_india) June 8, 2026
‘ઑપરેશન ડેલ્ટા હન્ટ’ શું છે?
‘ઑપરેશન ડેલ્ટા હન્ટ’ એ ગુજરાત પોલીસ અને સુરક્ષા એજન્સીઓ દ્વારા રાજ્યમાં ગેરકાયદેસર રીતે વસવાટ કરતા વિદેશી નાગરિકોને પકડવા માટે શરૂ કરવામાં આવેલી એક ખાસ સંયુક્ત ઝુંબેશ છે. આ અભિયાનનો મુખ્ય હેતુ ગુજરાતના અલગ-અલગ જિલ્લાઓ અને શહેરોમાં કોઈપણ કાયદેસરના દસ્તાવેજો વગર રહેતા બાંગ્લાદેશી નાગરિકોની ઓળખ કરીને તેમની ધરપકડ કર્યા બાદ તેમનો દેશનિકાલ કરવાનો.
આ ખાસ ઑપરેશન 3 જૂનની સવારથી રાજ્યભરમાં એકસાથે શરૂ કરવામાં આવ્યું હતું. આ અંતર્ગત સ્થાનિક પોલીસ અને ગુપ્તચર એજન્સીઓ દ્વારા શંકાસ્પદ વિસ્તારો, બાંધકામ સાઇટો અને ઝૂંપડપટ્ટીઓમાં સઘન ચેકિંગ હાથ ધરીને ગેરકાયદેસર વસવાટ કરતા લોકોને શોધી કાઢવામાં આવી રહ્યા છે. આ ઉપરાંત તેમને આશરો કે નોકરી આપનાર સ્થાનિક લોકો સામે પણ કડક ગુના દાખલ કરવામાં આવી રહ્યા છે.
