અમેરિકાના નવનિર્વાચિત રાષ્ટ્રપતિ ડોનાલ્ડ ટ્રમ્પના શપથગ્રહણ સમારોહમાં ભારત સરકાર તરફથી વિદેશ મંત્રી એસ જયશંકર હાજરી આપશે. વિદેશ મંત્રાલયે સત્તાવાર રીતે આ વાતની પુષ્ટિ કરી છે.
આગામી 20 જાન્યુઆરીના રોજ ડોનાલ્ડ ટ્રમ્પ અને ઉપરાષ્ટ્રપતિ જેડી વેન્સનો શપથગ્રહણ સમારોહ યોજાશે. આ માટે હાલ તૈયારીઓ ચાલી રહી છે અને તેની દેખરેખ માટે બનાવવામાં આવેલી એક વિશેષ સમિતિ વિશ્વભરના દેશોને નિમંત્રણ પાઠવી રહી છે.
On the invitation of the Trump-Vance Inaugural Committee, External Affairs Minister, Dr. S. Jaishankar will represent the Government of India at the Swearing-in Ceremony of the President-Elect Donald J. Trump as the 47th President of the United States of America.
— Randhir Jaiswal (@MEAIndia) January 12, 2025
Press Release :…
US તરફથી ભારત સરકારને પણ નિમંત્રણ પાઠવવામાં આવ્યું હતું. જેને માન આપીને વિદેશ મંત્રી સરકારનું પ્રતિનિધિત્વ કરશે.
આ મુલાકાત દરમિયાન વિદેશ મંત્રી એસ જયશંકર નવી ટ્રમ્પ સરકારના અમુક પ્રતિનિધિઓ સાથે પણ બેઠક કરશે અને કાર્યક્રમમાં ભાગ લેવા માટે આવેલા અન્ય દેશોના અમુક નેતાઓને પણ મળશે તેમ વિદેશ મંત્રાલયે જણાવ્યું છે.
