₹100 કરોડના USDT કૌભાંડમાં (USDT scam) તપાસ એજન્સી EDએ (Enforcement Directorate) સુરત, અમદાવાદ સહિતના વિવિધ ઠેકાણાઓ પર દરોડા પાડ્યા હતા. આ પ્રકરણમાં મુખ્ય સૂત્રધાર મકબૂલ ડોકટરના સુરતના ભાગાતળાવ સહિતના ત્રણ ઠેકાણાઓ પર તપાસ હાથ ધરવામાં આવી હતી.
સાયબર ફ્રોડના આ ગુનામાં આરોપીઓ લોકોને મહિને ₹10થી ₹12 હજારના કમિશનની લાલચ આપી તેમનાં બેંક એકાઉન્ટનો ઉપયોગ કરી USDT મારફત ગેરકાનૂની રીતે પૈસા દુબઈ મોકલતા હતા. આ ઉપરાંત પોલીસ અને તપાસ એજન્સીઓના નામે ડીજીટલ અરેસ્ટ, નકલી સમન્સ, છેતરપીંડી જેવા સાયબર ફ્રોડ આચરવામાં આવતા હતા. આરોપીઓ દ્વારા આચરવામાં આવેલા સાયબર ફ્રોડની રકમ અંદાજે ₹100 કરોડથી વધુ છે. સાયબર ફ્રોડ દ્વારા ગેરકાયદેસર રીતે વિદેશ મોકલવામાં આવેલા નાણાનો સોર્સ અને ચેનલ શોધી કાઢવા માટે અને તેની પાછળના મુખ્ય સુત્રધારોને પકડવા માટે આ સમગ્ર ઓપરેશન હાથ ધરવામાં આવ્યું હતું.
Suratમાં 100 કરોડના USDT કૌભાંડમાં EDના દરોડા, તપાસ એજન્સીઓના નામે કરતા ઠગાઈhttps://t.co/Jj6fx2KZLV#gujarat #surat #ed #raid #doctor #makbul #usdtscam #suratedraid
— Sandesh (@sandeshnews) June 26, 2025
વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://t.co/9GGo9xr2hO
આ પ્રકરણમાં અત્યાર સુધી સુરતના મકબૂલ અબ્દુલ રહેમાન ડોક્ટર, બસ્સામ મકબૂલ ડોક્ટર, મુતુર્ઝા ફારુક શેખ, કાસીફ મકબૂલ ડોક્ટર, અબ્દુલ રહીમ નાડા, મહેશ મફતલાલ દેસાઈ સહિતનાઓની ધરપકડ કરવામાં આવી હતી.
