કેરેબિયન દેશ ડોમિનિકાએ (Dominica) વડાપ્રધાન નરેન્દ્ર મોદીને સર્વોચ્ચ નાગરિક સન્માન (Highest Civilian Honour) આપવાની જાહેરાત કરી છે. પીએમ મોદીને ‘ડોમિનિકા એવોર્ડ ઓફ ઓનર’ આપવામાં આવશે. પીએમ મોદીને (PM Modi) આ સન્માન કોવિડ રોગચાળામાં ડોમિનિકાને મદદ કરવા અને બંને દેશો વચ્ચેના સંબંધોને મજબૂત કરવા માટે આપવામાં આવી રહ્યું છે.
Prime Minister #NarendraModi will be conferred with the highest civilian award of the Commonwealth of Dominica, the Dominica Award of Honour, the country announced
— The Times Of India (@timesofindia) November 14, 2024
Read more🔗https://t.co/QsK4baqixD pic.twitter.com/aUOkqQU3Db
ડોમિનિકાનું આ સન્માન 19-21 નવેમ્બર વચ્ચે ગુયાનામાં યોજાનારી ઈન્ડિયા-કેરીકોમ સમિટમાં (India-CARICOM Summit) પીએમ મોદીને આપવામાં આવશે. આ સન્માન ડોમિનિકાના પ્રમુખ સિલવાની બર્ટન દ્વારા આપવામાં આવશે. ડોમિનિકાના વડાપ્રધાન રૂઝવેલ્ટ સ્કેરીટે કહ્યું છે કે આ સન્માન પીએમ મોદી પ્રત્યે ડોમિનિકાનો આભાર છે.
નોંધનીય છે કે કોવિડ રોગચાળા વચ્ચે, ભારતે ડોમિનિકાને 70,000 રસીઓની સપ્લાય કરી હતી, જેના કારણે આ દેશ આ રોગચાળા સામે લડવામાં સક્ષમ બન્યો હતો. પીએમ મોદીએ આ સન્માન સ્વીકારવા સંમતિ દર્શાવી છે અને કહ્યું છે કે ભારત ડોમિનિકા સાથે મળીને કામ કરવાનું ચાલુ રાખશે.
