વિશ્વ મહિલા દિવસ (World Women’s Day) નિમિત્તે દિલ્હીની નવી બનેલી ભાજપ સરકારે મહિલાઓ માટેની યોજના મંજૂર કરી છે. દિલ્હી વિધાનસભા ચૂંટણી પહેલાં ભાજપે રાજ્યની મહિલાઓને પ્રતિમાસ ₹2500 આપવાનું વચન આપ્યું હતું. આ વચન પૂર્ણ કરવા માટે દિલ્હી કેબિનેટે ‘મહિલા સમૃદ્ધિ યોજના’ને મંજૂરી આપી દીધી છે.
આ અંગે દિલ્હીના મુખ્યમંત્રી રેખા ગુપ્તાએ જાહેરાત કરતા કહ્યું હતું કે, “આજે મહિલા દિવસ છે. આજે અમારી કેબિનેટની બેઠક હતી અને અમારા કેબિનેટે આ યોજનાને મંજૂરી આપી છે – દિલ્હી ચૂંટણી દરમિયાન અમે મહિલાઓને ₹2500 આપવાનું વચન આપ્યું હતું.”
#WATCH | Delhi government approves 'Mahila Samridhi Yojana' to provide Rs 2500 to women | Delhi CM Rekha Gupta says, "Today is Women's Day. We had our cabinet meeting today, and our cabinet has approved the scheme – the promise that we made during the Delhi elections to provide… pic.twitter.com/SNuhRAv7PY
— ANI (@ANI) March 8, 2025
તેમણે આગળ કહ્યું કે, “અમે આ યોજનાના અમલીકરણ માટે દિલ્હીના બજેટમાં ₹5100 કરોડની જોગવાઈ કરી છે. અમે એક સમિતિની રચના કરી છે, જેનું નેતૃત્વ હું કરીશ અને યોજના માટે નોંધણી ટૂંક સમયમાં શરૂ થશે – એક પોર્ટલ ટૂંક સમયમાં શરૂ કરવામાં આવશે…”
#WATCH | On Delhi government approves 'Mahila Samridhi Yojana' to provide Rs 2500 to women, Delhi BJP President Virendraa Sachdeva says, "Rs 5100 crore has been sanctioned for one year to implement this scheme. Now, we will start registration and this scheme will be implemented." pic.twitter.com/0xdkqeiftN
— ANI (@ANI) March 8, 2025
આ ઉપરાંત દિલ્હી ભાજપ અધ્યક્ષ વીરેન્દ્ર સચદેવાએ કહ્યું હતું કે, “આ યોજનાને લાગુ કરવા માટે એક વર્ષ માટે ₹5100 કરોડ મંજૂર કરવામાં આવ્યા છે. હવે અમે નોંધણી શરૂ કરીશું અને યોજના લાગુ કરવામાં આવશે.”
