કોંગ્રેસે (Congress) પોતાની એક સોશિયલ મીડિયા પોસ્ટમાં ભારતના ખોટા નકશાનો (false map of India) ઉપયોગ કર્યો છે. કોંગ્રેસે સરકારની ટીકા કરતી એક ટ્વીટ પોસ્ટ કરી હતી, જેમાં જમ્મુ અને કાશ્મીરનો મોટો ભાગ પાકિસ્તાનના નકશામાં દર્શાવવામાં આવ્યો હતો. આ PoJKનો (PoJK) (પાકિસ્તાન કબજા હેઠળનું જમ્મુ અને કાશ્મીર) ભાગ હતો, જે પાકિસ્તાન દ્વારા ગેરકાયદેસર રીતે કબજે કરવામાં આવ્યો છે.
In an official post, the Congress party has shamelessly used Pakistan’s map of Jammu & Kashmir. Let’s be clear — this is not an inadvertent error, it’s a premeditated act that reflects their long-standing mindset.
— Amit Malviya (@amitmalviya) June 18, 2025
It was Jawaharlal Nehru’s grand plan to give away Jammu & Kashmir… pic.twitter.com/RpuEUqICVL
ભારત જમ્મુ અને કાશ્મીરને પોતાનો અભિન્ન ભાગ માને છે અને તેના સત્તાવાર નકશામાં સમગ્ર જમ્મુ અને કાશ્મીરનો સમાવેશ થાય છે. આમ છતાં, કોંગ્રેસે સરકારની ટીકા કરતી પોસ્ટમાં આ ખોટા નકશાનો ઉપયોગ કર્યો હતો. પાકિસ્તાન ઘણીવાર આ નકશાનો ઉપયોગ પોતાનો પ્રોપગેન્ડા વધારવા માટે કરે છે. ભાજપે કોંગ્રેસના આ પગલાનો સખત વિરોધ નોંધાવ્યો છે.
ભાજપના આઈટી સેલના વડાએ તેને કોંગ્રેસનું જાણી જોઈને કરેલું કૃત્ય ગણાવ્યું છે. તેમણે કહ્યું છે કે આ કોઈ સામાન્ય ભૂલ નથી પણ એક સુનિયોજિત કાવતરું છે. અમિત માલવિયાએ આરોપ લગાવ્યો કે જવાહરલાલ નેહરુનું સ્વપ્ન જમ્મુ અને કાશ્મીરને પાકિસ્તાનને સોંપવાનું હતું. તેમણે કહ્યું કે શ્યામાપ્રસાદ મુખર્જી અને સરદાર પટેલ જેવા નેતાઓએ આ થવા દીધું નહીં.
નોંધનીય છે કે કોંગ્રેસે બાદમાં ખોટો નકશો દર્શાવતી પોસ્ટ સુધારી અને વિડીયોમાંથી તે ભાગ દૂર કર્યો હતો.
