ઉત્તર પ્રદેશના સંભલના (Sambhal) ચંદૌસીમાં ‘અતિક્રમણ હટાવો અભિયાન’ (Encroachment) હેઠળ કાર્યવાહી કરવામાં આવી છે. આ કાર્યવાહીમાં, શહેરના મુનસિફ રોડ પર સ્થિત કોર્ટની સામેની જમીન પર કબજો કરીને બનેલી દુકાનોને બુલડોઝરની (bulldozer) મદદથી તોડી પાડવામાં આવી હતી.
મળતી માહિતી મુજબ, બુધવારે બપોરે મ્યુનિસિપલ કોર્પોરેશનના EO કૃષ્ણ કુમાર સોનકર મ્યુનિસિપલ કોર્પોરેશનની ટીમ સાથે મુન્સિફ રોડ પહોંચ્યા, જ્યાં ડેપ્યુટી કલેક્ટર વિનય કુમાર મિશ્રાએ ગેરકાયદેસર રીતે બાંધવામાં આવેલી દુકાનોને ચિહ્નિત કરી અને ત્યારબાદ ત્યાં બુલડોઝર કાર્યવાહી કરવામાં આવી.
આ કાર્યવાહી પહેલા, મ્યુનિસિપલ ટીમે અતિક્રમણ કરનારાઓને કડક ચેતવણી આપી હતી કે જો તેઓ ચિહ્નિત સ્થળોએથી અતિક્રમણ દૂર નહીં કરે તો તેમને દંડ કરવામાં આવશે. આ કડક વલણને કારણે, ઘણા દુકાનદારોએ પોતાનું અતિક્રમણ જાતે જ દૂર કરવાનું શરૂ કર્યું.
