કડી (Kadi) અને વિસાવદર (Visavadar) વિધાનસભા બેઠકની પેટાચૂંટણીને લઈને હવે તૈયારીઓ તેજ થવા લાગી છે. આ બંને બેઠકો પર થનારી ચૂંટણીને લઈને ભાજપે (BJP) ઉમેદવાર પણ જાહેર કરી દીધા છે. ભાજપે કડીથી રાજેન્દ્રભાઈ દાનેશ્વર ચાવડા અને વિસાવદરથી કિરીટભાઈ બાલુભાઈ પટેલને ટિકિટ ફાળવી છે.
આ ઉપરાંત કોંગ્રેસ અને આમ આદમી પાર્ટીએ (AAP) પણ પોતાના ઉમેદવારોને મેદાને ઉતાર્યા છે. કોંગ્રેસે કડી વિધાનસભા બેઠક પર કડીના પૂર્વ ધારાસભ્ય રમેશ ચાવડાને મેદાને ઉતાર્યા છે. તે સિવાય વિસાવદર બેઠક પર કોંગ્રેસે ઉમેદવારની જાહેરાત કરી નથી. તે સિવાય આમ આદમી પાર્ટીએ પણ બંને બેઠકો પર ઉમેદવારની જાહેરાત કરી દીધી છે.
ભારતીય જનતા પાર્ટીની કેન્દ્રીય ચૂંટણી સમિતિ દ્વારા ગુજરાત વિધાનસભાની પેટા ચૂંટણી માટે કડી અને વિસાવદર બેઠકના ઉમેદવારોના નામ જાહેર કરવામાં આવ્યા છે.
— BJP Gujarat (@BJP4Gujarat) June 1, 2025
કડી અને વિસાવદરના બંને ઉમેદવારોને ખૂબ ખૂબ અભિનંદન અને ભવ્ય વિજય માટે શુભકામનાઓ. pic.twitter.com/XtDDxr3aYp
કડી અને વિસાવદર વિધાનસભા બેઠક માટે પેટાચૂંટણીને લઈને આમ આદમી પાર્ટીએ પણ ઉમેદવારો મેદાને ઉતાર્યા છે. કડી વિધાનસભા બેઠક પર AAPએ જગદીશ ચાવડાના નામની જાહેરાત કરી હતી. આ ઉપરાંત વિસાવદર બેઠક પર ગોપાલ ઇટાલિયાના નામની જાહેરાત કરવામાં આવી છે.
