કેટલાક દિવસ પહેલાં વારાણસી પોલીસે ચેતગંજ પોલીસ સ્ટેશન વિસ્તારમાં રહેતા આબિદ શેખની ધરપકડ કરી હતી. તેના પર લૂંટફાટ, મારપીટ અને SC/ST એક્ટ હેઠળ ગુનો નોંધાયો હતો. જે બાદ કોર્ટે 7 જૂનના રોજ આરોપીને જામીન આપી દીધા હતા. જોકે, જેલમાંથી છૂટ્યા બાદ તેણે પોતાના મળતિયાઓ સાથે મળીને જુલૂસ કાઢ્યું હતું અને ‘પાકિસ્તાનના ઝિંદાબાદ’ના નારા પણ લગાવ્યા હતા.
ઘટનાનો વિડીયો પણ સોશિયલ મીડિયા પર ખૂબ વાયરલ થયો હતો. જેમાં જોઈ શકાય છે કે, આરોપી આબિદ શેખના સમર્થકોએ તેનો રોડ શો કાઢ્યો હતો. આબિદ કારમાં સનરૂફમાં ઊભો હતો અને આગળ-પાછળ ગાડીઓના કાફલા પણ જોવા મળ્યા હતા. આ દરમિયાન તેના સમર્થકો નારા પણ લગાવી રહ્યા હતા. તે દરમિયાન અચાનક ‘પાકિસ્તાન ઝિંદાબાદ’ના નારા લાગવાના શરૂ થઈ ગયા હતા.
वाराणसी का आबिद शेख लूट और मारपीट के मामले में जेल में बंद था। जमानत पर रिहा होने पर उसने अपने समर्थकों के साथ खुली गाड़ी में विजय जुलूस निकाला। इस दौरान कार की सनरूफ पर खड़े होकर उसने माला पहनते हुए प्रदर्शन किया, पाकिस्तान जिंदाबाद के नारे भी लगाए गए।
— 𝙼𝚛 𝚃𝚢𝚊𝚐𝚒 (@mktyaggi) June 8, 2025
पुलिस ने उसे फिर गिरफ्तार… pic.twitter.com/MM9jaY2VVA
સમર્થકો નારા લગાવી રહ્યા હતા કે, “ભાઈ અપના છૂટ ગયા, જેલ કા તાલા તૂટ ગયા.” તે દરમિયાન અચાનક પાકિસ્તાનના સમર્થનમાં નારા લાગવા લાગ્યા હતા. ઘટનાની જાણ થયા બાદ તરત જ ફરીથી આબિદ અને તેના મળતિયાઓ વિરુદ્ધ ગુનો દાખલ કરવામાં આવ્યો છે. હાલ તેની ધરપકડ પણ કરવામાં આવી હોવાનું સામે આવ્યું છે.
