મથુરામાં (Mathura) 10 વર્ષના લોકપ્રિય બાળ ધાર્મિક વક્તા અભિનવ અરોરાના (Abhinav Arora) પરિવારે સાત યુટ્યુબર્સ (Youtubers) વિરુદ્ધ ફરિયાદ નોંધાવી છે. પરિવારનો આરોપ છે કે આ યુટ્યુબરોએ બાળકની ધાર્મિક માન્યતાઓની મજાક ઉડાવીને તેને બદનામ કરવાનો પ્રયાસ કર્યો છે.
#AbhinavArora's mother moves #UttarPradesh's #Mathura court against ‘anti-Hindu’ #YouTubers https://t.co/SCGEDaDYFy
— Hindustan Times (@htTweets) October 29, 2024
અભિનવ અરોરાની માતાએ, મથુરા એસપીને કરેલી ફરિયાદમાં જણાવ્યું હતું કે આ યુટ્યુબર્સ “હિંદુ વિરોધી તત્વો” (Anti Hindu Eliments) છે જેમણે બાળકની ધાર્મિક માન્યતાઓનું અપમાન કરવાના હેતુથી વિડીયો બનાવ્યો છે. ફરિયાદમાં કહેવામાં આવ્યું છે કે આ વિડીયોનો હેતુ હિંદુ ધર્મની માન્યતાઓને બગાડવાનો અને નફરત ફેલાવવાનો છે. આ સાથે પરિવારનો આરોપ છે કે તેમને બિશ્નોઈ ગેંગ તરફથી જાનથી મારી નાખવાની ધમકીઓ પણ મળી છે.
ફરિયાદમાં એમ પણ કહેવામાં આવ્યું છે કે આ યુટ્યુબર્સની વર્તણૂકથી બાળક માનસિક તાણમાં છે, જેના કારણે તે પોતાની ધાર્મિક માન્યતાઓને અનુસરવામાં અને સામાન્ય જીવન જીવવામાં અસમર્થ લાગે છે. પરિવારનું કહેવું છે કે આ ઘટનાઓને કારણે તેમની સામાજિક પ્રતિષ્ઠા અને માનસિક શાંતિ પર ખરાબ અસર પડી છે.
