એક અખબારી યાદી અનુસાર, ઉત્તર પ્રદેશ પ્રવાસન (Uttar Pradesh Tourism) મહાકુંભ 2025ની (Prayagraj MahaKumbh 2025) મુલાકાત લેનારા લોકોને અદભૂત ડ્રોન શો (Drone Show) દ્વારા આકર્ષિત કરવાની તૈયારી કરી રહ્યું છે જે મહાકુંભ અને પ્રયાગરાજ સાથે સંકળાયેલી પૌરાણિક કથાઓનું પ્રદર્શન કરશે.
આ શોમાં 2,000થી વધુ ડ્રોન સામેલ થશે અને વિશ્વ વિખ્યાત ધાર્મિક મેળાવડાના ભવ્ય ઉદઘાટન અને સમાપનને ચિહ્નિત કરીને, સંગમ નાક પર આકાશને પ્રકાશિત કરશે. જિલ્લા પ્રવાસન અધિકારી અપરાજિતા સિંઘે જણાવ્યું હતું કે, કાર્યક્રમના ઉદ્ઘાટન અને સમાપન સમયે સંગમ નાકે ડ્રોન શોનું આયોજન કરવામાં આવશે.
Experience a celestial marvel at #MahaKumbh 2025 in Prayagraj! A fleet of 2,500 'Make in India' drones will light up the skies with an awe-inspiring aerial display.#TransformingUP #Mahakumbh2025 #MahakumbhCalling #ModiInPrayagraj pic.twitter.com/Gfki6GoHLp
— Transforming UP (@transforming_up) December 13, 2024
તેમણે કહ્યું, “લગભગ 2,000 પ્રકાશિત ડ્રોનનો કાફલો ‘પ્રયાગ માહાત્મ્યમ’ અને મહાકુંભની પૌરાણિક કથાઓને જીવંત કરશે, અદભૂત શો પૌરાણિક સમુદ્ર મંથન (Samudra Manthan) અને અમૃતના ઉદ્ભવ જેવી પ્રતિષ્ઠિત ઘટનાઓનું નિરૂપણ કરશે. જે સાંજના આકાશમાં એક જાદુઈ દ્રશ્ય કથાનું સર્જન કરશે.” પ્રકાશન અનુસાર, આ શો પ્રયાગરાજના ધાર્મિક અને આધ્યાત્મિક મહત્વને પણ પ્રકાશિત કરશે, જે યાત્રાળુઓ અને સ્થાનિકોને એક અનોખો અનુભવ પ્રદાન કરશે.
